Accessibility links

عه‌ره‌بسـتانی سعودی‌ پشـتڕاستی ده‌کات ئه‌ندامانی تۆڕێـکی سیخوڕی سه‌ر به‌ ئێرانی ده‌سـتگیرکردووه‌

  • VOA News

وه‌زاره‌تی ناوخۆی عه‌ره‌بسـتانی سعودی ئه‌مڕۆ سێشه‌ممه‌ پـشـتڕاستی‌کرده‌وه‌ که‌وا ئه‌و تۆڕه‌ سیخوڕیـیه‌ی هه‌فته‌یه‌ک له‌مه‌وبه‌ر هه‌واڵی ده‌سـتگیرکردنی ئه‌ندامه‌کانی ڕاگه‌یه‌ندرا که‌ له‌ 16 که‌سی سعودی‌ و هاووڵاتیـیه‌کی ئێرانی و هاووڵاتیـیه‌کی لوبنانی پـێـکهاتبوون، ڕاسته‌وخۆ په‌یوه‌ندیـیان به‌ ئیتلاعاتی ئێرانه‌وه‌ هه‌بووه‌‌.
ئاژانسی ده‌نگ‌وباسی فه‌رمی سعودیـیه‌ له‌ زاری گوته‌بێژێـکی ئاسایشیـیه‌وه‌ بڵاویکرده‌وه‌، تاوانباره‌کان خۆیان ئاشـکرایان کردووه‌ په‌یوه‌ندیـیان به‌ ده‌زگای سیخوڕی ئێرانه‌وه‌ هه‌یه‌. گوتوشیه‌تی پاره‌یان له‌ به‌رامبه‌ر پـێدانی زانیاری و نه‌خشه‌ی شوێنی گرنگ وه‌رگرتووه‌.
ئێرانیش لای خۆیه‌وه‌ له‌ زاری ڕامین مێهما‌نپه‌ره‌ست گوته‌بێژی وه‌زراه‌تی ده‌ره‌وه‌، ڕه‌تی کردووه‌ته‌وه‌ وڵاته‌که‌ی هیچ په‌یوه‌ندیـیه‌کی به‌و تۆڕه‌وه‌ هه‌بووبێت. ده‌ڵێت ئه‌م تۆمه‌ته‌ هیچ بنه‌مایه‌کی ڕاستی نیـیه‌ و سیناریۆیه‌کی هه‌ڵبه‌سـتراوه‌.
XS
SM
MD
LG