Accessibility links

ئه‌ندامانی خێزانه‌که‌ی قه‌زافی مافی په‌نابه‌ری له‌ سه‌ڵته‌نه‌ی عومان وه‌رده‌گرن

  • VOA News

سه‌فیه‌ فه‌رکاش هاوسه‌ری موعه‌ممه‌ر قه‌زافی (ئه‌رشیفی وێنه‌)

سه‌فیه‌ فه‌رکاش هاوسه‌ری موعه‌ممه‌ر قه‌زافی (ئه‌رشیفی وێنه‌)

محه‌مه‌د عه‌بدولعه‌زیز وه‌زیری ده‌ره‌وه‌ی لیبیا ئه‌مڕۆ دوشه‌ممه‌ ڕایگه‌یاند که‌وا سه‌ڵته‌نه‌ی عومان مافی په‌نابه‌ری داوه‌ به‌ خێزانه‌که‌ی موعه‌ممه‌ر قه‌زافی دکتاتۆری پـێشـووی وڵاته‌که‌.
گوتیشی له‌ پاش بڕیاره‌که‌ی ده‌سه‌ڵاتدارانی عومان، ئه‌ندامانی خێزانه‌که‌ی قه‌زافی له‌ جه‌زائیره‌وه‌ به‌ره‌و ئه‌و وڵاته‌ ڕۆیشتوون.
له‌ لایه‌کی دیکه‌وه‌ ڕۆژنامه‌ی وه‌ته‌نی عومانی له‌ زاری کاربه‌ده‌سـتانی حکومه‌تی وڵاته‌که‌یانه‌وه‌ بڵاوی‌کرده‌وه‌، سه‌فیه‌ فه‌رکاشی هاوسه‌ری قه‌زافی و سێ له‌ نه‌وه‌کانی (عائیشه‌ و محه‌مه‌د و هانیبه‌عل) و هه‌روه‌ها منداڵه‌کانیان، له‌به‌ر هۆکاریی مرۆیی مافی په‌نابه‌رێتیـیان له‌ عومان دراوه‌تێ.
کاربه‌ده‌سـته‌کان گوتووشیانه‌ لیبیا له‌و بڕیاره‌ ئاگاداره‌ و پــێی قایله‌ به‌ مه‌رجێـک هیچ کام له‌ هاوسه‌ره‌که‌ی قه‌زافی و نه‌وه‌کانی چالاکی سیاسیـیان له‌وێ نه‌بێت.
حکومه‌تی جه‌زائیریشڕۆژی هه‌ینی هه‌واڵی ڕۆیشتنی خێزانه‌که‌ی قه‌زافی له‌ وڵاته‌که‌یان پـشـتڕاستکرد، به‌ڵام ئاماژه‌ی نه‌دا بۆ چ وڵاتێـک ڕۆیشتوون.
XS
SM
MD
LG