Accessibility links

داواکاری گشتی میسر فه‌رمانی ده‌سـتگیرکردنی 5 چالاکوان ده‌دات

  • VOA News

داواکاری گشـتی میسر ئه‌مڕۆ دووشه‌ممه‌ فه‌رمانی ده‌سـتگیرکردنی 5 چالاکوانی مافه‌کانی مرۆڤی دا به‌ تاوانی هاندانی توندوتیژی له‌ دژی ئه‌ندامانی کۆمه‌ڵی ئیخوان ئه‌لموسلمینی سه‌ر به‌ سه‌رۆک محه‌مه‌د مورسی.
له‌ ڕاگه‌یاندنێـکدا که‌ له‌ لایه‌ن حازم سـاڵح داواکاری گشـتیـیه‌وه‌ ئه‌مڕۆ بڵاوکرایه‌وه‌، هاتووشه‌ ئه‌و پـێنج که‌سه‌ لێـیان قه‌ده‌غه‌شکراوه‌ بۆ ده‌ره‌وه‌ی وڵات گه‌شت بکه‌ن.
پـێـنج چالاکوانه‌که‌ش بریتن له‌ عه‌لا عه‌بدولفه‌تاح و ئه‌حمه‌د دۆمه‌ و که‌ریم ئه‌لشاعر و حازم عه‌بدولعه‌زیم و ئه‌حمه‌د ئه‌لسوحه‌فی.
جێی ئاماژه‌یه‌ ئه‌م فه‌رمانه‌ ڕۆژێـک پاش ئه‌وه‌ دێت که‌ سه‌رۆک محه‌مه‌د مورسی ئاگاهی توندی به‌ نه‌یارانی دا و گوتی هه‌ر که‌سێـک هه‌واڵی نادوروست بڵاوبکاته‌وه‌ یان هانی توندوتیژی بدات، ئه‌وا ده‌بێت سـزا بدرێت.
ژماره‌یه‌ک له‌ لایه‌نه‌کانی ئۆپـۆزسیۆن ده‌ڵێن ئه‌مه‌ زه‌مینه‌ خۆشـکردنه‌ بۆ ده‌سـتگیرکردنی نه‌یارانی حکومه‌ته‌که‌ی مورسی.
XS
SM
MD
LG