Accessibility links

فه‌رمانده‌ی باڵای له‌شـکری ئازادی سوریا بریندارده‌بێت


عه‌قید ڕیاز ئه‌لئه‌سعه‌د فه‌رمانده‌ی باڵای له‌شـکری ئازادی سوریا له‌ ئاکامی ته‌قینه‌وه‌ی بۆمبێـکی چێنراو له‌ ئۆتۆمبیله‌که‌یدا برینداربووه‌.
ڕووداوه‌که‌ شه‌وی یه‌کشه‌ممه‌ له‌ شـارۆچکه‌ی مه‌یادنی باشوری شـاری دێرئه‌زوری ڕۆژهه‌ڵاتی سوریا بووه‌ و به‌پـێی هه‌واڵه‌کان عه‌قید ڕیاز قاچی ڕاستی له‌ هێرشه‌که‌دا له‌ده‌سـتداوه‌، به‌ڵام ژیانی له‌ مه‌ترسیدا نیـیه‌ و ئێسـتا له‌ تورکیا چاره‌سه‌ری پـزیشـکی بۆ ده‌کرێت.
هه‌تا ئاماده‌کردنی ئه‌م هه‌واڵه‌ که‌س به‌رپـرسیارێتی خۆی له‌ ته‌قینه‌وه‌که‌‌ ڕانه‌گه‌یاندووه‌، به‌ڵام لایه‌نه‌کانی ئۆپـۆزسیۆن ئۆباڵی هێرشه‌که‌ ده‌خه‌نه‌ ئه‌ستۆی حکومه‌تی سوریا.
جێی ئاماژه‌یه‌ ڕیاز ئه‌لئه‌سعه‌د پله‌ی عه‌قیدی هه‌بوو له‌ هێزی ئاسـمانی سوریا و له‌ سـاڵی 2011 له‌ ڕژێمی ئه‌سه‌د هه‌ڵگه‌ڕایه‌وه‌ و بۆ تورکیا هه‌ڵات. هه‌روه‌ها ڕیاز ئه‌سعه‌د یه‌کێک بوو له‌وانه‌ی له‌ سه‌ره‌تای ڕاپه‌ڕینی خه‌ڵـکی سوریاوه‌ گوتبووی خه‌باتی چه‌کداری تاکه‌ ڕێگه‌یه‌ بۆ ڕووخاندنی ڕژێمی ئه‌سه‌د.
XS
SM
MD
LG