Accessibility links

ئه‌ردۆغان: په‌یامه‌که‌ی ئۆجه‌لان هه‌نگاوێـکی ئه‌رێنیـیه‌ له‌ دانوسـتاندنه‌کانی ئاشـتیدا

  • VOA News

سه‌رۆک وزیری تورکیا ڕه‌جه‌ب ته‌یب ئه‌ردۆغان ده‌ڵێت په‌یامه‌که‌ی عه‌بدوڵڵا ئۆجه‌لان ڕابه‌ری پارتی کرێـکارانی کوردسـتان پـێشـهاته‌یه‌کی ئه‌رێنیـیه‌ له‌ نێو ئه‌و دانوسـتاندنه‌ ناڕاسته‌وخۆیـیانه‌ی له‌ نێوان حکومه‌تی تورکیا و ئۆجه‌لاندا به‌ڕێوه‌ده‌چن.
ئه‌ردۆغان ئه‌مڕۆ پـێـنجشه‌ممه‌ له‌ میانه‌ی کۆنگره‌یه‌کی ڕۆژنامه‌وانی هاوبه‌شـدا له‌گه‌ڵ هاوتا هۆڵه‌ندیـیه‌که‌ی مارک ڕۆت له‌ لاهای ئه‌مه‌ی ڕاگه‌یاند و داواکه‌ی ئۆجه‌لان له‌ هێزه‌کانی پارتی کرێـکارانی کوردسـتان بۆ ڕاگرتنی شه‌ڕ و کشـانه‌وه‌ له‌ تورکیا به‌ هه‌نگاوێـکی ئه‌رێنی ناودێرکرد.
پاشـان ئه‌ردۆغان ڕه‌خنه‌ی له‌ هه‌ندێـک له‌ نه‌یاره‌ سیاسیـیه‌کانی گرت و گوتی" چه‌ند کۆمه‌ڵێـک هه‌ن له‌ وڵاته‌که‌ماندا له‌سه‌ر تێرۆر ده‌ژین، وه‌ دانوستاندنی ئاشـتی گه‌مه‌که‌یان لێ‌تێـکده‌دات." هیواشی خواست دانوسـتاندنه‌کان به‌ ئه‌نجامێـکی باش بگه‌ن.
له‌ به‌شێـکی لێـدوانه‌که‌یدا، ئه‌ردۆغان مه‌خابنی خۆی دربڕی له‌ به‌رامبه‌ر به‌رز نه‌کردنه‌وه‌ی ئاڵای تورکیا له‌ ئاهه‌نگه‌کانی شـاری ئامه‌ددا و گوتی ئه‌م ڕه‌فتاره‌ کاریگه‌ری خراپـی به‌سه‌ر پـرۆسه‌که‌دا ده‌بێت.
XS
SM
MD
LG