Accessibility links

فڕۆکه‌ جه‌نگیـیه‌کانی سوریا ناوچه‌ سـنووریـیه‌کانی لوبنان بۆردومان ده‌کات

  • VOA News

فڕۆکه‌ جه‌نگیـیه‌کانی حکومه‌تی سوریا ئه‌مڕۆ دووشه‌ممه‌ بۆ یه‌که‌م جار ناوچه‌ی سـنووری لوبنانی بۆردمان کرد.
سه‌رچاوه‌یه‌کی ئاسایشی لوبنان گوتی فڕۆکه‌کانی سوریا ئه‌مڕۆ چوار موشه‌کیان ناو به‌ ناوچه‌یه‌کی ده‌شـتایی له‌ باکوری شـارۆچکه‌ی عرسال له‌ ناوچه‌ی بیقاع، ئه‌وه‌ی زۆربه‌ی دانیشتـوانه‌که‌ی سووننه‌ن و لایه‌نگری سه‌رهه‌ڵـداوانی سوریان.
جێی ئاماژه‌یه‌ ڕۆژی پـێـنجشه‌ممه‌ وه‌زاره‌تی ده‌ره‌وه‌ی سوریا ڕایگه‌یاند که‌وا هه‌فته‌ی ڕابردوو ژماره‌یه‌کی زۆری توندڕه‌وان له‌ سـنووری باکوری لوبنانه‌وه‌ خۆیان کردووه‌ به‌ شـارۆچکه‌ی ته‌لکه‌له‌خ.
ئه‌مه‌ریکا لای خۆیه‌وه‌ هێرشه‌که‌ی سه‌رزه‌نشتکرد.
ڤکتۆریا ئۆلاند گوته‌بێژی وه‌زاره‌تی ده‌ره‌وه‌ی ئه‌مه‌ریکا له‌و باره‌یه‌وه‌ گوتی ئه‌مه‌ پـێشـێلکردنی سه‌روه‌ری لوبنانه‌ و هیچ جێـگای قبوڵ نیـیه‌.
XS
SM
MD
LG