Accessibility links

له‌ ئاکامی ته‌قینه‌وه‌ی دوو ئۆتۆمبیلی بۆمبڕێژکراو له‌ شـاری به‌سره‌ی عێراق 9 که‌س ده‌کوژرێن

  • VOA News

ئه‌مڕۆ یه‌کشه‌ممه‌ دوو ئۆتۆمبیلی بۆمبڕێژکراو له‌ شـاری به‌سره‌ی باشوری عێراق ته‌قینه‌وه‌ و له‌ ئاکامدا 9 که‌س کوژران و 24 که‌سیش برینداربوون.
ته‌قینه‌وه‌ی یه‌که‌م له‌ نزیک به‌ڕێوه‌به‌رایه‌تی باج له‌ ناوچه‌ی جه‌معیاتی شـاره‌که‌ ڕوویدا و ته‌قینه‌وه‌ی دووه‌م له‌ شوێنێـکی ڕاوه‌سـتانی تاکسی له‌ ناوچه‌ی گه‌رمه‌ت عه‌لی باکوری شـاره‌که‌دا بوو‌.
عه‌لی غانم ئه‌لمالیکی سه‌رۆکی کۆمیته‌ی ئاسایشی به‌سره‌ به‌ ده‌زگاکانی ڕاگه‌یاندنی گوت له‌ ته‌قینه‌وه‌که‌ی ناوچه‌ی گه‌رمه‌ت عه‌لیدا 9 که‌س کوژراون و 19 که‌س برینداربوون، وه‌ له‌ ته‌قینه‌وه‌ی ئۆتۆمبیله‌که‌ی نزیک به‌ڕێوه‌به‌رایه‌تی باجدا 5 که‌س برینداربوون و هه‌روه‌ها 7 ئۆتۆمبیلیش سووتاون.
XS
SM
MD
LG