Accessibility links

زێباری: بیره‌وه‌ریا کیمیابارانکرنا هه‌له‌بجه‌ ل نیویوک هاته‌ گێران


halabja

halabja

ل بیره‌وه‌ریا ده‌رباس بوونا 25 سالان بسه‌ر کیمیابارانکرنا هه‌له‌بجه‌، جڤاتا کوردێن ئه‌مریکا و ره‌ڤه‌ندا کورد ل باژێرێ نیویوک چالاکیه‌ک پێک ئینا ب مه‌ره‌ما نساندنا خه‌لکێ ئه‌مریکا بڤێ کاراساتا پرغه‌مگین

ل بیره‌وه‌ریا ده‌رباس بوونا 25 سالان بسه‌ر کیمیابارانکرنا هه‌له‌بجه‌، جڤاتا کوردێن ئه‌مریکا و ره‌ڤه‌ندا کورد ل باژێرێ نیویوک چالاکیه‌ک پێک ئینا ب مه‌ره‌ما نساندنا خه‌لکێ ئه‌مریکا بڤێ کاراساتا پرغه‌مگین.
ئه‌ندامێ جڤاتا کوردێن ئه‌مریکا رضوان زێباری گوت، ل زانینگه‌ها بنگهامتون یا نیویورک ره‌ڤه‌ندا کورد و هه‌روه‌سا خه‌لکێن بیانی لساخ کرنا بیره‌وه‌ریا 25 سالین هێرشا کیمیا بارانکرناهه‌له‌بجه‌ ئاماده‌بوون و چه‌ندین گوتار هاتنه‌ پشکشکرن، هه‌روه‌سا گوت، پێناسیکرنا جینوسایدا کوردان ژ لای ده‌وله‌تێن مه‌زن ڤه‌ بێگومان دێ ئالیکار بت بۆ پێناسینکرنا ڤێ کاراساتێ ژ لای نه‌ته‌وین ئیکگرتی ڤه‌ و ئه‌ڤه‌ دێ بته‌ پالپشتیه‌کا مه‌زن بۆ دوزا کوردان بۆ گه‌هشتن ب مافێن ره‌وایت خۆ.
هه‌روه‌سا رضوان زێباری د هه‌ڤپه‌یڤینه‌کیدا لگه‌ل رادیوا ده‌نگێ ئه‌مریکا، پشتراستکر کو ناساندنا جینوسایدکرنا کوردان ئه‌رکێ هه‌موو کوردانه‌ و هه‌روها ئه‌رکێ حکومه‌تا هه‌رێما کوردستانی یه‌ و ده‌ستهه‌لاتا سیاسی تڤیا کاره‌کی زۆرتر بکت.

XS
SM
MD
LG