Accessibility links

له‌ لیبیا 60 که‌س به‌ مه‌ی خۆماڵی گیانیان له‌ده‌سـت ده‌ده‌ن

  • VOA News

نوری دوغمان وه‌زیری ته‌ندروسـتی لیبیا ده‌ڵێت له‌ ماوه‌ی چوار ڕۆژی ڕابردوودا 60 که‌س گیانیان له‌ده‌سـتداوه‌ به‌هۆی خواردنه‌وه‌ی مه‌ی دروسـتکراوی خۆماڵی که‌ کهولی میثانۆلی تێدا بووه‌.
دوغمان ئه‌مڕۆ سێشه‌ممه‌ له‌ میانه‌ی لێـدوانیدا بۆ ده‌زگاکانی ڕاگه‌یاند، گوتیشی هه‌روه‌ها 709 که‌سی دیکه‌ زیانیان پـێـگه‌یشتووه‌، به‌شێـکیان کوێربوون و به‌شـێـکیان گورجیله‌یان وه‌سـتاوه‌ و هه‌ندێـکیان له‌ هۆش خۆیان که‌وتوون.
گوتیشی ته‌مه‌نی قوربانیـیه‌کان له‌ نێوان 19 بۆ 50 سـاڵه‌ و هاوڵاتیانی جه‌زائیر و تونسیشیان له‌ نێودایه‌.
جێی ئاماژه‌یه‌ زۆر جار له‌ دورسـتکردنی مه‌ی خۆماڵیدا هه‌ڵه‌ ده‌کرێت و له‌ بری کهولی ئیثانۆل کهولی میثـانۆل دروسـت ده‌بێت و به‌ خواردنه‌وه‌ی له‌ له‌شـی مرۆڤدا مادده‌یه‌کی دیکه‌ی کیمیاوی دروسـتبێت که‌ زیانی گه‌وره‌ به‌ خانه‌کانی له‌ش ده‌گه‌یه‌نێت.
XS
SM
MD
LG