Accessibility links

زێباری: به‌شداری نه‌کردنی وه‌زیره‌ کورده‌کان له‌ کۆبوونه‌وه‌ی حکومه‌تی عێراقدا مانای کشـانه‌وه‌ نیـیه‌

  • Goran Tawfeeq

ئه‌نجومه‌نی وه‌زیرانی عێراق به‌بێ ئاماده‌بوونی وه‌زیره‌کانی کورد و لیستی عێراقیـیه‌ کۆبوونه‌وه‌ی ئاسایی خۆی گری دا و ته‌نها سێ وه‌زیر له‌ پـێـکهاته‌ی سووننه‌ به‌شـداربوون که‌ له‌ ئێسـتادا لیستی عێراقیـیه‌ ئه‌و وه‌زیرانه‌ی له‌ نوێنه‌رایه‌تی ئه‌و پـێـکهاته‌ سیاسیـیه‌ دورخسـتووه‌ته‌وه‌، ئه‌وانیش هه‌ره‌یه‌که‌ له‌ سه‌عدون دلێمی وه‌زیری به‌رگری به‌ وه‌کاله‌ت و که‌ریم عه‌فتان وه‌زیری کاره‌با و تورهان موفتی وه‌زیری ده‌وڵه‌ت.
به‌ڵام لایه‌نی کوردی که‌ چوار وه‌زیری‌ له‌گه‌ڵ جێـگرێـکی سه‌رۆک وه‌زیران هه‌یه ، ئه‌مڕۆ هیچ کام له‌و وه‌زیرانه‌ ئاماده‌ی کۆبوونه‌وه‌که‌ نه‌بوون.
له‌م باره‌یه‌وه‌ هوشیار زێباری وه‌زیری ده‌ره‌وه‌ی عێراق له‌ لێـدوانێـکیدا بۆ ڕۆژنامه‌وانان ڕایگه‌یاند که‌وا ئاماده‌نه‌بوونی وه‌زیره‌ کورده‌کان مانای ئه‌وه‌ نیـیه‌ له‌ حکومه‌ت پاشه‌کشه‌یان کردبێت، به‌ڵـکو هه‌وڵێـکه‌ بۆ دانوسـتاندن.
به‌ڵام زێباری گوتیشی ئه‌گه‌ربێت و سه‌رکردایه‌تی کورد و سه‌رۆکی هه‌رێم فه‌رمانیان پـێبکات، ئه‌وا ئاماده‌ن ئه‌و بڕیاره‌ جێبه‌جێ بکه‌ن.
XS
SM
MD
LG