Accessibility links

وه‌زیری ناوخۆی میسر هه‌ڕه‌شه‌ی کشـانه‌وه‌ی هێزه‌کانی پـۆلیس له‌ شه‌قامه‌کانی وڵاته‌که‌ی ده‌کات

  • VOA News

محه‌مه‌د ئیبراهیم وه‌زیری ناوخۆی میسر ده‌ڵێت ئه‌گه‌ربێت و هه‌روا توندوتیژی و بێ سه‌روبه‌ری شه‌قامه‌کانی وڵاته‌که‌ی بگرێته‌وه‌، ئه‌وا به‌ ته‌واوی هه‌موو هێزه‌کانی پـۆلیس و ئاسایش له‌ شه‌قامه‌کاندا ده‌کشێنه‌وه‌.
جه‌نه‌ڕاڵ محه‌مه‌د ئیبراهیم ئه‌مڕۆ یه‌کشه‌ممه‌ له‌ کۆنگره‌یه‌کی ڕۆژنامه‌وانیدا ڕه‌خنه‌ی له‌ لایه‌نگرانی لایه‌نه‌ ناکۆکه‌کانی ناو وڵاته‌که‌ی گرت و گوتی " بژاره‌که‌ بۆ خه‌ڵـکی میسر جێهێڵراوه‌، یان ئه‌وه‌تا بهێڵن پـۆلیس و ئاسایش کاره‌کانیان بکه‌ن، یانیش با به‌ ته‌واوی بکشێنه‌وه‌."
ئه‌م لێـدوانه‌ی وه‌زیری ناوخۆی میسر دوابه‌دوای چه‌ند ڕۆژێـک له‌ کشانه‌وه‌ی پـۆلیس له‌ شه‌قامه‌کانی شـاری پـۆرسه‌عید دێت، به‌هۆی نائارامیـیه‌کانی ئه‌و شـاره‌ی گرتووه‌ته‌وه‌ له‌سه‌ر حوکمدانی 21 که‌س‌ به‌ سزای له‌سێداره‌دان به‌ تاوانی کوشـتنکاریـیه‌که‌ی مانگی دووی سـاڵی ڕابردووی گۆڕه‌پانی تۆپی پـێی پـۆرسه‌عید که‌ تیایدا 74 که‌س کوژران و به‌ سه‌دانی دیکه‌ برینداربوون.
وه‌زیری ناوخۆ هه‌روه‌ها ڕه‌خنه‌ی له‌ ده‌زگاکانی ڕاگه‌یاندن گرت و گوتی" چاوه‌ڕوانم نه‌ده‌کرد به‌م شێوه‌یه‌ هه‌موو ده‌زگاکانی ڕاگه‌یاندن هێرش بکه‌نه‌ سه‌ر پـۆلیس و به‌ پـیاوکوژ و خوێنڕێژیان دابنێن."
XS
SM
MD
LG