Accessibility links

ئه‌ندامێـکی کۆنگرسی ئه‌مه‌ریکا: زاوای بن لادن ده‌سـتگیرکرا

  • VOA News

سوله‌یمان ئه‌بولغه‌یث له‌گه‌ڵ ئوسامه‌ بن لادن

سوله‌یمان ئه‌بولغه‌یث له‌گه‌ڵ ئوسامه‌ بن لادن

پـیته‌ر کینگ ئه‌ندامی کۆماری ئه‌نجومه‌نی نوێنه‌رانی ئه‌مه‌ریکا ئه‌مڕۆ پـێـنجشه‌ممه‌ پـشـتڕاستیکرد که‌وا سوله‌یمان ئه‌بولغه‌یثی زاوای بن لادن که‌ بۆخۆشی گوته‌بێژی پـێشـووی ئه‌لقاعیده بووه‌‌، له‌ لایه‌ن ده‌زگای زانیاری ئه‌مه‌ریکا CIA و ئۆفیسی لێـکۆڵینه‌وه‌ی فیدراڵی FBI له‌ ئوردن ده‌سـتگیرکراوه‌.
پـێشـتر ڕۆژنامه‌یه‌کی تورکیا بڵاویکرده‌وه‌ که‌وا سوله‌یمان ئه‌بولغه‌یث یه‌که‌م جار مانگی ڕابردوو له‌ ئوتێـلێـکی گه‌وره‌ی ئانکه‌ره‌ی پایته‌ختی تورکیا ده‌سـتگیرکرابوو‌، پاشـان ده‌سه‌ڵاتدارانی تورکیا بۆ ئوردن ده‌ریانکردووه‌ و له‌وێش له‌ لایه‌ن ده‌زگای CIA وه‌ ده‌سـتگیرکراوه‌.
کاربه‌ده‌سـتانی تورکیا ئاماده‌ نه‌بوون هیچ لێـدوانێـک له‌ باره‌ی ئه‌م هه‌واڵه‌وه‌ بده‌ن.
جێی وه‌بیرهێنانه‌وه‌یه‌ ئه‌بولغه‌یث له‌ پاش هێرشه‌ تێرۆرسـتیـیه‌کانی سـاڵی 2001 ی سه‌ر وڵاته‌ یه‌کگرتووه‌کانی ئه‌مه‌ریکا، له‌ چه‌ند ڤیدیۆیه‌کدا ده‌رکه‌وت و وه‌ک گوته‌بێژی ئه‌لقاعیده‌ هه‌ڕه‌شه‌ و لێـدوانی ده‌دا. پـێشـبینی ده‌کرێت له‌ دادگای فیدراڵی له‌ نیویۆرک دادگایی‌بکرێت.
XS
SM
MD
LG