Accessibility links

له‌ ئاکامی زنجیره‌یه‌ک هێرش له‌ عێراق 6 که‌س ده‌کوژرێن

  • VOA News

کاربه‌ده‌سـتانی عێراق ده‌ڵێن له‌ ئاکامی چه‌ند هێرشێـک له‌ سه‌رانسه‌ری وڵاته‌که‌ 6 که‌س کوژراون و 10 که‌سیش برینداربوون.
کاربه‌ده‌سـتێـکی پـۆلیس گوتی به‌یانی ئه‌مڕۆ پـێـنجشه‌ممه‌ له‌ باکوری به‌غدا بۆمبێـکی لاڕێ به‌ هێزێـکی گه‌ڕۆکی پـۆلیسدا ته‌قیوه‌ته‌وه‌ و بووه‌ته‌ مایه‌ی کوژرانی 2 که‌سی سیڤیل و برینداربوونی 4 که‌سی دیکه‌.
کاربه‌ده‌ستێـکی دیکه‌ گوتی له‌ باشوری به‌غداش ژماره‌یه‌ک چه‌کدار له‌ نێو ئۆتۆمبیلێـکدا که‌ به‌ خێرایی ده‌رۆیشت، ته‌قه‌یان له‌ هێزێـکی گه‌ڕۆکی پۆلیس کردووه‌ و پـۆلیسێـکیان کوشتووه‌ و 4 ی دیکه‌شیان بریندارکردووه‌.
له‌ شـاری که‌رکوک، هێزێـکی پـۆلیس به‌ شه‌ڕدێن له‌گه‌ڵ کۆمه‌ڵێـک چه‌کدار که‌ له‌ هه‌وڵی چاندنی بۆمبێـکی لاڕێ بوون و له‌ ئاکامدا پـۆلیس کوژراوه‌ و دووانیش برینداربوون. هه‌روه‌ها یه‌ک له‌ چه‌کداره‌کانیش کوژراوه‌.
هه‌روه‌ها له‌ شـاری موسڵیش، له‌ نێو ئۆتۆمبیلێـکه‌وه‌ ته‌قه‌ له‌ 2 که‌سی سیڤیل کراوه‌ و کوژراون.
XS
SM
MD
LG