Accessibility links

نه‌ته‌وه‌ یه‌کگرتووه‌کان: ژماره‌ی په‌نابه‌رانی سوریا گه‌یشته‌ 1 ملیۆن که‌س

  • VOA News

نه‌ته‌وه‌ یه‌کگرتووه‌کان ده‌ڵێت ژماره‌ی ئه‌و هاوڵاتیـیه‌ سوریـیانه‌ی له‌تاو شه‌ڕی ناو وڵاته‌که‌یان بۆ ده‌ره‌وه‌ هه‌ڵاتوون گه‌یشـ‌ته‌ یه‌ک ملیۆن که‌س و هه‌روه‌ها به‌ ملیۆنان که‌سیش له‌ ناو وڵاته‌که‌دا ئاواره‌بوون.
ئه‌نتۆنیۆ جووتێرێس به‌رپـرسی ئاژانسی په‌نابه‌رانی نه‌ته‌وه‌ یه‌کگرتووه‌کان UNHCR ئه‌مڕۆ چوارشه‌ممه‌ ئه‌مه‌ی ڕاگه‌یاند و گوتی سوریا به‌ره‌و کاره‌سـاتێـکی ته‌واو ده‌ڕوات.
زۆربه‌ی په‌نابه‌ره‌کان وان له‌ لوبنان و ئوردن و تورکیا و عێراق و میسر. حکومه‌تی ئه‌و وڵاتانه‌ به‌ هاریکاری له‌گه‌ڵ ڕێـکخراوه‌کاندا هه‌وڵ ده‌ده‌ن پـێداویسـتیـیه‌کانیان بۆ دابین بکه‌ن.
سێبێلا وکس خانمه‌ گوته‌بێژی UNHCR به‌ ده‌نگی ئه‌مه‌ریکا گوت زۆربه‌ی په‌نابه‌ران که‌ دێن هیچیان پـێ نیـیه‌ و ڕێـکخراوه‌که‌یان هه‌تا ئێسـتا یه‌ک له‌سه‌ر چواری ئه‌و بڕه‌ پاره‌یه‌یان پـێـگه‌یشـتووه‌ که‌ بۆ یارمه‌تیدانی په‌نابه‌ره‌کان پـێویسـتیانه‌.
XS
SM
MD
LG