Accessibility links

هوگۆ چاڤێزی سه‌رۆکی ڤه‌نزوێلا کۆچی دوایی کرد

  • VOA News

نیکۆلاس مادوورۆ جێـگری سه‌رۆکی ڤه‌نزوێلا ئه‌مڕۆ سێشه‌ممه‌ له‌ گوته‌یه‌کدا له‌سه‌ر ته‌له‌فزیۆن ڕایگه‌یاند هوگۆ چاڤێزی سه‌رۆکی وڵاته‌که‌ی پاش دوو سـاڵ له‌ ململانێ له‌گه‌ڵ نه‌خۆشی شێرپه‌نجه‌دا کۆچی دوایی کرد.
هوگۆ چاڤێز که‌ له‌ ته‌مه‌نی 58 سـاڵیدا له‌ نه‌خۆشـخانه‌ی کا‌را‌کاسی له‌شـکری گیانی له‌ده‌ستدا، له‌ ناوه‌ڕاستی سـاڵی 2011 وه‌ زانرا دووچاری نه‌خۆشی شێرپه‌نجه‌ی سێ‌به‌نده‌ بووه‌.
چوار جار له‌ کۆبا نه‌شته‌رگه‌ری بۆ ئه‌نجام درا، دوایـین جاریان ئه‌وه‌ی له‌ 11 ی مانگی دوازده‌ی سـاڵی ڕابردوو بوو و ئیدی له‌ پاش ئه‌و نه‌شته‌رگه‌ریانه‌وه‌ له‌ شوێنێـکی گشتیدا نه‌بینرایه‌وه‌.
چاڤێز که‌ ئه‌فسه‌رێـکی له‌شـکری بوو ،له‌ 2 ی مانگی دووی سـاڵی 1999 پـۆستی سه‌رۆکایه‌تی ڤه‌نزوێلای بۆ ماوه‌ی 14 سـاڵ گرته‌ ده‌ست. له‌ ماوه‌ی حکومڕانیـیه‌که‌ی به‌وه‌ ناسرا که‌ ڕێبه‌رێـکی دژ ڕۆژئاوایه‌ و لایه‌نگری ڕژێمه‌کانی عێراقی سه‌رده‌می سه‌دام حسێن و ئێران و سوریای ئێسـتای ده‌کرد.
XS
SM
MD
LG