Accessibility links

کۆریای باکور هه‌ڕه‌شه‌ی هه‌ڵوه‌شـاندنه‌وه‌ی ڕێـکه‌وتنـنامه‌ی ئاگربه‌سـتی سـاڵی 1953 ی له‌گه‌ڵ کۆریای باشوردا ده‌کات

  • VOA News

ئه‌مڕۆ سێشه‌ممه‌ کۆریای باکور هه‌ڕه‌شه‌ی هه‌ڵوه‌شـاندنه‌وه‌ی ڕێـکه‌وتنـنامه‌ی ئاگربه‌ست ده‌کات، ئه‌وه‌ی له‌ سـاڵی 1953 دا مۆری کردبوو بۆ کۆتایی‌هێنان به‌ شه‌ڕی کۆریا. ئاماژه‌شی دا که‌ هۆیه‌که‌ی له‌ ئاکامی هه‌وڵێـکه‌ به‌ ڕێبه‌رایه‌تی ئه‌مه‌ریکا بۆ سه‌پاندنی سـزاکانی نه‌ته‌وه‌ یه‌کگرتووه‌کان به‌سه‌ر تاقیکردنه‌وه‌یه‌کی ناوکی ئه‌م دوایـیه‌یدا و هه‌روه‌ها مانۆڕه‌‌ له‌شـکریـیه‌ هاوبه‌شه‌که‌ی نێوان ئه‌مه‌ریکا و کۆریای باشوردا.
کۆماندارێتی باڵای له‌شـکری گه‌لی کۆریای باکور له‌ به‌یانـنامه‌یه‌کدا ئاگاهیـیان دا به‌ وه‌رگرتنی هه‌ڵوێستی توندتر.
ئه‌م هه‌ڕه‌شه‌یه‌ له‌ کاتێـکدایه‌ ڕاپـۆرت هه‌ن ده‌ڵێن واشنتن و به‌یژینی هاوپه‌یمانی کۆریای باکور، به‌رنووسی بڕیارێـکیان په‌سه‌ندکردووه‌ بۆ سه‌پاندنی سـزا به‌سه‌ر کۆریای باکوردا به‌ بڕیارێـکی ئه‌نجومه‌نی ئاسایشی نه‌ته‌وه‌ یه‌کگرتووه‌کان، ئه‌مه‌ش له‌ وه‌ڵامدانه‌وه‌ی تاقیکردنه‌وه‌ ناوکیـیه‌که‌ی له‌ 12 ی مانگی دوودا.
چاوه‌ڕوان‌ده‌کرێت‌ به‌رنووسی بڕیاره‌که‌ له‌م هه‌فته‌یه‌دا بدرێته‌ ده‌ست ئه‌ندامانی نه‌ته‌وه‌ یه‌کگرتووه‌کاندا.
ئه‌مه‌ریکا و وڵاتانی تر نیگه‌رانن له‌وه‌ی تاقیکردنه‌وه‌ی سێـیه‌مینی ناوکی کۆریای باکور هه‌نگاوێـکی نزیـکتربێت‌ به‌ره‌و ئامانجی وڵاته‌که‌ بۆ به‌ده‌سـتهێنانی موشه‌کی ناوکی که‌ ڕه‌نگه‌ بگاته‌ ئه‌مه‌ریکا.
XS
SM
MD
LG