Accessibility links

له‌ بۆسه‌یه‌کدا له‌ ڕۆژئاوای عێراق 42 سه‌ربازی سوری و 7 سه‌ربازی عێراقی ده‌کوژرێن


کاربه‌ده‌سـتانی عێراق ده‌ڵێن ئه‌مڕۆ کۆمه‌ڵێـک چه‌کدار له‌ پارێزگای ئه‌نباری ڕۆژئاوای عێراق بۆسه‌یه‌کیان ناوه‌ته‌وه‌ بۆ کاروانێـکی ئۆتۆمبیل و له‌ ئاکامدا به‌ لایه‌نی که‌م 42 سه‌ربازی سوری و 7 سه‌ربازی عێراقی کوژراون.
ده‌ڵێن ڕووداوه‌که‌ له‌ ناوچه‌ی عه‌کاشـاتی نزیک سـنووری سوریا بووه‌ و سه‌ربازه‌ سوریـیه‌کان ئه‌وانه‌ بوون که‌ له‌ شه‌ڕه‌کانی چه‌ند ڕۆژی ڕابردووی ده‌روازه‌ی یه‌عروبیـیه‌ی باکوری سوریادا بۆ ناو عێراق هه‌ڵاتبوون.
گه‌وره‌ کاربه‌ده‌سـتێـکی هه‌واڵگری به‌ ئاژانسی ده‌نگ‌وباسی ئه‌سۆشیه‌تد پـرێسی گوت،‌ پـێده‌چوو چه‌کداره‌کان پـێشتر زانیاریـیان هه‌بووبێت، چونکه‌ ئاماده‌کاریـیه‌کی ته‌واویان بۆ هێرشه‌که‌یان کردبوو، به‌ بۆمبی لاڕێ و ئاڕپـیجی و پاشـان به‌ گولـله‌بارانکردنی ماشێنه‌کان کۆتایی‌یان به‌ هێرشه‌که‌یان هێنابوو‌.
ده‌شڵێن به‌ لایه‌نی که‌م 7 سه‌ربازی عێراقی که‌ له‌گه‌ڵ کاروانه‌کدا بووبوون، ئه‌وانیش کوژراون.
XS
SM
MD
LG