Accessibility links

پـێـکدادان له‌ نێوان پـۆلیس و خۆپـیشـانده‌ران له‌ شـاری پـۆرسه‌عیدی میسر ڕووده‌دات و 5 که‌س ده‌کوژرێن

  • VOA News

له‌ دوێنێ یه‌کشه‌ممه‌ هه‌تا به‌ره‌به‌یانی ئه‌مڕۆش پـێـکدادان له‌ نێوان خۆپـیشـانده‌ران و هێزه‌کانی پـۆلیس له‌ شـاری پـۆرسه‌عیدی میسر به‌رده‌وامبوون و له‌ ئاکامدا 5 که‌س کوژراون و زیاتر له‌ 400 که‌سیش برینداربوون.
وه‌زاره‌تی ناوخۆی میسر ده‌ڵێت له‌ نێو کوژراوه‌کاندا 2 پـۆلیس هه‌ن که‌ گولـله‌ به‌ر سه‌ر و ملیان که‌وتووه‌.
هه‌روه‌ها گوته‌بێژێـک به‌ ناوی له‌شـکری میسریش ڕایگه‌یاند که‌وا ئه‌فسه‌رێـکی له‌شـکریش گولـله‌یه‌ک به‌ر قاچی که‌وتووه‌.
خۆپـیشـاندانه‌کان ڕۆژی یه‌کشه‌ممه‌ ده‌سـتیانپـێـکرد، پاش ئه‌وه‌ی وه‌زاره‌تی ناوخۆ بڕیاری دا 39 تاوانبار بگوێزێته‌وه‌. ئه‌م تاوانبارانه‌ حوکمیان به‌سه‌ردا دراوه‌ له‌سه‌ر کوشـتنکاریـیه‌که‌ی گۆڕپانی دۆپـی پـێی پـۆرسه‌عید، ئه‌وه‌ی له‌ سه‌ره‌تای مانگی دووی سـاڵی 2012 ڕوویدا و‌ تیایدا 72 که‌س کوژران. 21 له‌و تاوانبارانه‌ حوکمی له‌سێداره‌دانیان بۆ ده‌رچووه‌.
XS
SM
MD
LG