Accessibility links

جۆن کیری له‌گه‌ڵ سه‌رۆکی میسر کۆده‌بێته‌وه‌


وه‌زیری ده‌ره‌وه‌ی ئه‌مه‌ریکا جۆن کیری ئه‌مڕۆ یه‌کشه‌ممه‌ له‌گه‌ڵ سه‌رۆکی میسر محه‌مه‌د مورسی کۆبووه‌وه‌ و هانی دا بۆ ئه‌نجامدانی چاکسـازی و یه‌کگرتوویی سیاسی له‌ وڵاته‌که‌دا.
ئه‌م کۆبوونه‌وه‌یه‌ی جۆن کیری له‌گه‌ڵ محه‌مه‌د مورسی، ڕۆژێـک پاش ئه‌وه‌ دێت که‌ له‌گه‌ڵ کاربه‌ده‌سـتانی دیکه‌ی حکومه‌تی میسر و ژماره‌یه‌ک له‌ سیاسه‌تمه‌دارانی ئۆپـۆزسیۆندا وتووێژی سـازکرد.
هه‌رچه‌نده‌ هه‌ندێـک له‌ ڕێبه‌رانی ئۆپـۆزسیۆن ئاماده‌ نه‌بوون دوێنێ شه‌ممه‌ له‌گه‌ڵ جۆن کیری کۆبـبنه‌وه‌ به‌ بیانووی گوایه‌ ئه‌مه‌ریکا لایه‌نی حوکمڕانی کۆمه‌ڵی ئیخوان ئه‌لموسلیمینی گرتووه‌ له‌م قه‌یرانه‌ سیاسیه‌ی له‌ ئێسـتادا وڵاته‌که‌ دووچاری بووه‌.
محه‌مه‌د ئه‌لبه‌رادعی که‌ سه‌رۆکایه‌تی به‌ره‌ی ڕزگارکردنی نیشـتیمانی ئۆپـۆزسیۆن ده‌کات، له‌گه‌ڵ دوو گه‌وره‌ به‌رپـرسی دیکه‌ ڕه‌تیان کرده‌وه‌ له‌گه‌ڵ به‌ڕێز کیری کۆبـبنه‌وه‌.
جۆن کیری له‌ به‌رامبه‌ردا گوتی ئه‌و هاتووه‌ بۆ پـشـتیوانیکردن له‌ گه‌لی میسر نه‌ک بۆ لایه‌نگرتنی ئه‌م‌وئه‌و.
XS
SM
MD
LG