Accessibility links

سه‌رۆک ئۆباما بڕیاری که‌مکردنه‌وه‌ی خه‌رجییه‌کانی حکومه‌تی مۆر کرد

  • VOA News

سه‌رۆکی ئه‌مه‌ریکا باراک ئۆباما بڕیارێکی مۆر کرد بۆ که‌م کردنه‌ویه 85 ملیار دۆلار به‌ شێوه‌یه‌کی ئۆتۆماتیکی له‌ خه‌رجییه‌کانی حکومه‌ت. به‌هۆی ئه‌وه‌ی کۆنگرێس و کۆشکی سپی نه‌یان توانی له‌سه‌ر بڕیارێکی ئلته‌رناتیڤ ڕێکبکه‌ون بۆ که‌مکردنه‌وه‌ی کورت هێنانی بودجه‌.
چه‌ند هه‌فته‌یه‌کی پێ ده‌چێت تا ئه‌م که‌مکردنه‌وه‌یه‌ به‌ته‌واوه‌تی کاربکاته‌ سه‌ر ته‌واوی وڵات به‌ڵام کاریگه‌رییه‌کانی له‌ ئێستاوه‌ ده‌ستیپێکردووه‌.
به‌ڕێز ئۆباما له‌ وتاری هه‌فتانه‌ییدا ڕایگیاند خه‌رجییه‌کان که‌م ده‌کرێنه‌وه‌ له‌به‌ر ئه‌وه‌ی کۆمارییه‌کان له‌ کۆنگرێسدا بڕیاریان دا پاراستنی به‌رژه‌وه‌ندی ده‌وڵه‌مه‌نده‌کان گرنگتره‌ له‌ پاراستنی له‌شکر و خێزانه‌کانی چینی مام ناوه‌ندی له‌ ئه‌مه‌ریکا.
ئه‌ندامی کۆنگرێسی کۆماری کاتی مێکمۆریس له‌ وتاری هه‌فتانه‌ی کۆمارییه‌کاندا گوتی که‌مکردنه‌وه‌ی خه‌رجییه‌کان ده‌بیت به‌ شێوه‌یه‌کی باشتر بکرێت .
وه‌زیری به‌رگری ئه‌مه‌ریکا چه‌ک ‌هێگڵ ده‌ڵێت که‌م کردنه‌وه‌ی بودجه‌ی فیدڕالی کار ده‌کاته‌ سه‌ر ئه‌رکه‌کانی له‌شکر.
XS
SM
MD
LG