Accessibility links

سه‌رۆکی کۆریای باشور داوا له‌ کۆریای باکور ده‌کات ده‌ستبه‌رداری خواستی چه‌کی ناوکی ببێت

  • VOA News

سه‌رۆکی کۆریای باشور هانی کۆریای باکوری داوه‌ واز له‌ خواستی به‌ده‌سـتهێنانی چه‌کی ناوکی بهێنێت و ڕێز له‌ ڕێـکه‌وتنـنامه‌کان بگرێت که‌ له‌گه‌ڵ وڵاته‌که‌ی و کۆمه‌ڵـگه‌ی نێونه‌ته‌وه‌یـیدا مۆریکردووه‌.
ئه‌مڕۆ هه‌ینی له‌ میانه‌ی وتارێـکدا، سه‌رۆکی کۆریای باشور خانم پارک گن های ڕایگه‌یاند که‌وا نیازی باکور سه‌باره‌ت به‌ بڕیاردانی دوروست له‌ ڕێگه‌ی نیشـاندانی نه‌رمی زیاتره‌وه‌ ده‌کرێت.
له‌ مانگی دوازده‌ی ڕابردوودا کۆریای باکور موشه‌کی مه‌ودا دوری تاقیکرده‌وه‌ و هه‌روه‌ها سێـیه‌م تاقیکردنه‌وه‌ی ناوکی خۆی ئه‌نجام دا.
ئه‌م کارانه‌ی کۆریای باکور بوون به‌ مایه‌ی ناڕه‌زایی کۆمه‌ڵـگه‌ی نێونه‌ته‌وه‌یی و هاوکات ئاسـتی گرژیـیه‌کانی له‌ ناوچه‌ دورگه‌ی کۆریادا به‌رزکردووه‌ته‌وه‌.
هه‌روه‌ها داوای هاوکاری زیاتری له‌ ژاپـۆن کرد وه‌ک هاوپه‌یمانێـکی وڵاته‌که‌ی له‌ ڕووی گرتنه‌به‌ری ڕۆڵی ڕابه‌رایه‌تی له‌ ڕۆژهه‌ڵاتی ئاسیادا.
پارک گن های ئه‌م وتاره‌ی له‌ پاش چوار ڕۆژ له‌ ده‌سـتبه‌کاربوونی وه‌ک یه‌که‌م خانمه‌ سه‌رۆکی ئه‌و وڵاته‌ پـێشـکه‌ش کرد.
XS
SM
MD
LG