Accessibility links

ئه‌مه‌ریکا به‌ به‌های 60 ملیۆن دۆلار کۆمه‌کی مرۆیی ئۆپـۆزسیۆنی سوریا ده‌کات

  • VOA News

وه‌زیری ده‌ره‌وه‌ی وڵاته‌ یه‌کگرتووه‌کانی ئه‌مه‌ریکا جۆن کیری ده‌ڵێت به‌ڕێوه‌به‌رایه‌تی سه‌رۆک ئۆباما، به‌ بڕی 60 ملیۆن دۆلار، کۆمه‌ک و یارمه‌تی بۆ ئۆپـۆزسیۆنی سوریا دابینده‌کات، ئه‌مه‌ش بۆ یه‌که‌م جاره‌ کۆمه‌کی وه‌ک خۆراک و که‌لوپه‌لی پـزیشکی بۆ سه‌رهه‌ڵـداوانی سوریا دابینبکرێت، ئه‌وانه‌ی شه‌ڕ له‌ پـێناو ڕووخاندنی ڕژێمی به‌شـار ئه‌سه‌ددا ده‌که‌ن.
جۆن کیری وه‌زیری ده‌ره‌وه‌ی ئه‌مه‌ریکا ئه‌مه‌ی ئه‌مڕۆ پـێنجشه‌ممه‌ له‌ ڕۆما ڕاگه‌یاند، ئه‌مه‌ش له‌ په‌راوێزی کۆنفرانسی نێونه‌ته‌وه‌یی له‌سه‌ر سوریا.
شایه‌نی باسه‌ جۆن کیری ده‌ڵێت ئه‌م بڕیاره‌ی وڵاته‌ یه‌کگرتووه‌کانی ئه‌مه‌ریکا به‌ مه‌به‌سـتی زیادکردنی گوشـاره‌ له‌سه‌ر به‌شـار ئه‌سه‌د بۆ ئه‌وه‌ی واز له‌ ده‌سه‌ڵات بهێنێت و زه‌مینه‌ بۆ گواسـتنه‌وه‌یه‌کی دیموکراسیـیانه‌ی ده‌سه‌ڵات له‌و وڵاته‌ خۆشبـبێت.
به‌ڕێز کیری ده‌شڵێت ئه‌م بڕه‌ 60 ملیۆن دۆلاره‌ی کۆمه‌کی ئه‌مه‌ریکا هه‌روه‌ها بۆ یارمه‌تیدانی ئۆپـۆزسیۆنه‌ له‌ به‌ڕێوه‌بردنی ئه‌و ناوچانه‌ی له‌ سوریا ئازادکراون و له‌گه‌ڵیشیدا که‌مکردنه‌وه‌ی توانا و ده‌سه‌ڵاتی توندڕه‌وانه‌ له‌و وڵاته‌دا.
XS
SM
MD
LG