تاڵیبان به‌رپـرسیارێتی خۆی له‌ کوشـتنی 16 که‌س ڕاده‌گه‌یه‌نێت

فه‌رمانداری هه‌رێمی غه‌زنی له‌ ڕۆژهه‌ڵاتی ئه‌فغانسـتان ده‌ڵێت یاخیبووانی تاڵیبان دوێنێ سێشه‌ممه‌ خۆیان کردووه‌ به‌ نێوی خاڵێـکی پـشـکنینی پـۆلیسدا له‌ ناوچه‌ی ئانده‌ر و 10 له‌ پاسه‌وانانی خه‌ڵـکی ناوچه‌که‌ و به‌ لایه‌نی که‌م 6 که‌سی سیڤیلیشان کوشـتووه‌. ورده‌کاری چۆنێتی کوشـتنکاریـیه‌که‌ هێشـتا ڕوون نیـیه‌، به‌ڵام هه‌واڵ هه‌ن ده‌ڵێن ژه‌هرخۆرکراون به‌ر له‌وه‌ی گولـله‌باران بکرێن.
فه‌رمانداری هه‌رێمه‌که‌ پـشـتڕاستی نه‌کرده‌وه‌ که‌وا ژه‌هرخۆرکرابن، به‌ڵام گوتی لێـکۆڵینه‌وه‌ له‌ باره‌ی ڕووداوه‌که‌وه‌ ده‌کرێت.
تاڵیبان لای خۆیه‌وه‌ له‌ به‌یانـنامه‌یه‌کیدا بۆ ئاژانسی ده‌نگ‌وباسی فه‌ڕه‌نسـایی به‌رپـرسیارێتی خۆی له‌ کوشـتنکاریـیه‌که‌ ڕاگه‌یاند.