Accessibility links

نوری ئه‌لمالیکی: سه‌رکه‌وتنی سه‌رهه‌ڵـداوانی سوریا ده‌بێته‌ مایه‌ی هه‌ڵـگیرسـاندنی شه‌ڕی تایفی

  • VOA News

نوری ئه‌لمالیکی سه‌رۆک وه‌زیری عێراق ده‌ڵێت ئه‌گه‌ر بێت و سه‌رهه‌ڵـداوانی سوریا سه‌رکه‌وتن به‌ده‌سـت بهێنن ئه‌وا شه‌ڕی تایفی له‌ سوریا و لوبنان هه‌ڵده‌گیرسێت و مۆڵگه‌یه‌کی نوێی ئارام له‌ ناوچه‌که‌دا بۆ قاعیده‌ دروسـت‌ده‌بێت.
مالیکی له‌ میانه‌ی چاوپـێـکه‌وتنێـکی له‌گه‌ڵ ئاژانسی ده‌نگ‌وباسی ئه‌سۆشیه‌تد پـرێسدا ئه‌مه‌ی ڕاگه‌یاند، ئه‌مه‌ش توندترین ئاگاهیـیه‌تی له‌ باره‌ی ئاکامه‌کانی ڕووخاندنی ڕژێمی به‌شـار ئه‌سه‌ده‌ له‌ ڕۆژهه‌ڵاتی ناوه‌ڕاستدا.
حکومه‌ته‌که‌ی مالیکی له‌ ئێسـتادا ڕووبه‌ڕووی گرژی زیاتر بووه‌ته‌وه‌ له‌گه‌ڵ سووننه‌کانی وڵاته‌که‌یدا. شه‌ڕی ناو سوریاش له‌وه‌دایه‌ له‌ دژی دیکتاتۆریه‌ته‌وه‌ به‌ ئاڕاسته‌ی ناکۆکی تایفی بڕوات، وه‌ ئێران و حزبوڵـڵای لوبنان به‌ ئاشـکرایی داکۆکی له‌ به‌شـار ئه‌سه‌دی عه‌له‌وی مه‌زهه‌ب ده‌که‌ن.
XS
SM
MD
LG