Accessibility links

چه‌ک هه‌یگڵ ده‌بێته‌ وه‌زیری به‌رگری ئه‌مریکا


چه‌ک هه‌یگڵ

چه‌ک هه‌یگڵ

سیناتی وڵاته‌ یه‌کگرتووه‌کانی ئه‌مریکا متمانه‌ی دا به‌ چه‌ک هه‌یگڵ وه‌ک وه‌زیری نوێی به‌رگری وڵاته‌ یه‌کگرتووه‌کانی ئه‌مریکا.

سیناتی ئه‌مریکا به‌ 58 ده‌نگی ئه‌رێ به‌رامبه‌ر 41 ده‌نگی نه‌رێ متمانه‌ی دا به‌ به‌ڕێز هه‌یگڵ.

ئه‌م متمانه‌ دانه‌ش ته‌نها چه‌ند کاژمێرێک پاش ده‌نگدانی سینات هات بۆ کۆتاییهێنان به‌ وتووێژه‌کان له‌سه‌ر ده‌ستنیشانکردنی هه‌یگڵ و به‌مه‌ش زه‌مینه‌ خۆشبوو بۆ په‌سه‌ندکردنی متمانه‌ دان به‌ چه‌ک هه‌یگڵ له‌ سیناتدا که‌ زۆرینه‌ تیایدا له‌ دیموکراته‌کانن.
چه‌ک هه‌یگڵ له‌ ڤیه‌تنام ساڵی 1968

چه‌ک هه‌یگڵ له‌ ڤیه‌تنام ساڵی 1968



سه‌رۆک ئۆباما ستایشی ئه‌و په‌سه‌ندکردنه‌ی سیناتی کرد و ده‌ڵێت "وڵاته‌ یه‌کگرتووه‌کانی ئه‌مریکا ئه‌و وه‌زیری به‌رگریه‌ی هه‌یه‌ که‌ وڵات پێویستیه‌تی و ئه‌و وه‌زیره‌یه‌ که‌ هێزه‌ سه‌ربازیه‌کانی ئه‌مریکا شایسته‌ین".

کۆشکی سپی چه‌ک هه‌یگڵ ی به‌ نیشتیمان په‌روه‌ری ئه‌مریکایی ناودێر کردووه‌.

به‌ڕێز هه‌یگڵ که‌ سیناتۆرێکی کۆماری بوو، له‌ لایه‌ن ئه‌ندامانی کۆمارییه‌وه‌ له‌ سیناتدا ڕووبه‌ڕروی ڕه‌خنه‌ بووه‌وه‌.
XS
SM
MD
LG