Accessibility links

مێزگردێک‌: 'پرۆسه‌ی ئیمرالی' چه‌کدانان به‌ په‌که‌که‌ یا چاره‌سه‌ری کێشه‌ی کورد؟

  • مۆعته‌به‌ر شێروانی

کۆمه‌ڵێـک له‌ سه‌رهه‌ڵـداوانی پارتی کرێکارانی کوردستان

کۆمه‌ڵێـک له‌ سه‌رهه‌ڵـداوانی پارتی کرێکارانی کوردستان

شه‌ممه‌ شاندی سێ ئه‌ندامه‌ی په‌رله‌مانتارانی به‌ده‌په‌(سڕی سوره‌یا ئۆنده‌ر، په‌روین بۆڵدان و ئاڵتان تان) سه‌ردانی ڕێبه‌ری به‌ندکراوی په‌که‌که‌ عه‌بدوڵا ئۆجه‌لان-یان له‌ گرتوخانه‌ی ئیمرالی کرد وه‌ک به‌شێک له‌‌ 'پرۆسه‌ی ئاشتی' به‌ مه‌به‌ستی چاره‌سه‌ری کێشه‌ی کورد له‌ تورکیاو چه‌ک دانان‌ به‌ په‌که‌که‌.
پرسیاره‌کان زۆرترن له‌ وه‌ڵامه‌کان له‌سه‌ر ئه‌وه‌ی ئه‌م پرۆسه‌یه‌ چۆن به‌ڕیوه‌ ده‌چێت و تاچ ڕاده‌یه‌ک ڕوونو شه‌فافه‌ له‌به‌رده‌م ڕای گشتی و مکانیزم چین بۆ پێشخستنی؟


له‌ مێزگردێکدا، موعته‌به‌ر شێروانی ئه‌م ته‌وه‌رانه‌ی له‌گه‌ڵ دوو شاره‌زا باس کردوون. عه‌بدوڵا حیجاب شاره‌زای کاروباری ڕۆژهه‌لاتی ناوه‌ڕاست و کورد و محه‌ممد سانری ڕۆژنامه‌وان.
سانری ده‌لێت به‌ پێ ڕاگه‌یندراوێکی به‌ده‌په‌، ئۆجه‌لان سڵاوی له‌ ده‌زکاگانی ڕاگه‌یاندن کردووه‌ و داوای لێکردون به‌ به‌رپرسسیاره‌تی هه‌ڵسوکه‌ت له‌ گه‌ڵ ئه‌م پرۆسه‌یه‌ بکه‌ن و داوای له‌ په‌که‌که‌ کردووه‌ ژماره‌یه‌ک کارمه‌ندی حکومه‌تی لای گیراون گیانیان بپارێزرێن و هیوای خواستوه‌ ڕۆژێک زووتر بتوانن بگه‌ڕینه‌وه‌ باوه‌شی خێزانیان. ئۆجه‌لان هه‌روه‌ها گوتویه‌تی ئه‌مه‌ پرۆسه‌یه‌کی دیرۆکی و گرنگه‌.
سانری ده‌ڵیت به‌رده‌وام بوونی خوێنڕێژی ده‌بیته‌ مایه‌ی ئاڵۆزی و گرنگ نیه‌ چ حکومه‌ت بیکات یانیش لایه‌نی په‌که‌که‌. سانری ده‌شڵێت به‌رده‌وامی ڕژاندی خوێن تاڕاده‌یه‌ک سێبه‌ر ده‌خاته‌ سه‌ر ڕه‌وابوونی دۆزی کورد(له‌تورکیا)؛ ئه‌گه‌ر شه‌ڕ ڕاوه‌ستێت، زه‌مینه‌یه‌کی ڕه‌واتر له‌ ڕوانگه‌ی سیاسییه‌وه‌ بۆ دۆزی کورد ده‌ڕه‌خسێت.

‌ عه‌بدوڵا حیجاب سه‌باره‌ت به‌ گرنگی ئه‌م پرۆسه‌یه‌ ده‌ڵێت یه‌که‌م جاره‌ تورکیا دان به‌وه‌ ده‌نێت که‌ لایه‌نی کوردی نوێنه‌رایه‌تی هه‌یه‌ و ده‌بێت گفتوگۆی له‌گه‌ڵدا بکرێت. سه‌باره‌ت به‌ میکانیزمی پێشخستنی ئه‌م پرۆسه ساوایه‌، حیجاب ده‌ڵێت ده‌بێت زمانی گفتوگۆ وه‌به‌رچاو بگیرێت. حیجاب ده‌شڵێت مه‌سه‌له‌که‌ ته‌نیا به‌ چه‌ک دانانی په‌که‌که‌ گرێنه‌دراوه‌ و مه‌سه‌له‌که‌ هی کورده‌ چونکه ئه‌گه‌ر تورکیا مه‌سه‌له‌ی کورد چاره‌سه‌ر نه‌کات، په‌که‌که‌ش‌ چه‌ک دابنێت گروپێکی تر سه‌ر هه‌ڵده‌داته‌وه‌.
XS
SM
MD
LG