Accessibility links

سه‌رۆکی یه‌مه‌ن سه‌ردانی شـاری عه‌ده‌ن ده‌کات له‌ پاش نائارامیـیه‌کانی باشوری وڵاته‌که‌ی


سه‌رۆکی یه‌مه‌ن عه‌بد ڕه‌به‌ مه‌نسور ئه‌لهادی شه‌وی شه‌ممه‌ گه‌یشته‌ شـاری عه‌ده‌ن، پاش ئه‌وه‌ی له‌ ڕۆژی پـێـنجشه‌مه‌ی ڕابردووه‌وه‌ توندوتیژی ئه‌و شـاره‌ و چه‌ند شـارێـکی دیکه‌ی باشوری وڵاته‌که‌ی گرته‌وه‌.
سه‌رچاوه‌کانی هه‌واڵ ده‌ڵێن سه‌رۆکی یه‌مه‌ن به‌ڕێوه‌به‌ری ئاسایشی عه‌ده‌ن جه‌نه‌ڕاڵ سادق حیدی له‌ پـۆسته‌که‌ی لاداوه‌ و نه‌جیب مغلسی له‌ شوێنه‌که‌ی داناوه‌.
نائارامیـیه‌کان شـاره‌کانی عه‌ده‌ن و موکه‌لـلا و زاڵع و ڕه‌دفان و سبوه‌ و سیئونی گرته‌وه‌ و تیایدا ژماره‌یه‌ک کوژران و برینداربوون.
بزوتنه‌وه‌ی ناسراو به‌ "حیراک ئه‌لجه‌نوب" که‌ داوای جیابوونه‌وه‌ی باشوری یه‌مه‌ن ده‌که‌ن، ڕابه‌رایه‌تی ناڕه‌زایـیه‌کان ده‌که‌ن و داوای مانگرتنی گشـتی له‌ خه‌ڵـکی باشور ده‌که‌ن.
هه‌روه‌ها له‌ چه‌ند ڕۆژی ڕابردوو چه‌کدارانی لایه‌نگری بزوتنه‌وه‌که‌ هێرشیان کردووه‌ته‌ سه‌ر باره‌گاکانی پارتی ئیسڵاحی ئیسلامی له‌ عه‌ده‌ن و موکلـلا، ئه‌وه‌ی‌ له‌ دژیان وه‌سـتاوه‌ته‌وه‌ و پشـتیوانی له‌ حکومه‌ت ده‌کات.
XS
SM
MD
LG