Accessibility links

به‌ریتانیا سێ که‌سی موسڵمان به‌ پـلانڕێژی بۆ هێرشی تێرۆرستی تاوانبارده‌کات

  • VOA News

سێ که‌سی موسڵمانی به‌ریتانی ئه‌مڕۆ پـێـنجشه‌ممه‌ تۆمه‌تبارکران به‌ پـلانڕێژی بۆ ئه‌نجامدانی ته‌قینه‌وه‌ی تێرۆرستی که‌ وه‌ک داواکارانی گشـتی به‌ریتانیا ده‌ڵێن له‌ هێرشه‌کانی سـاڵی 2005 ی کرانه‌ سه‌ر هێڵه‌کانی خزمه‌تگوزاری گواستنه‌وه‌ی ئه‌و وڵاته‌ گه‌وره‌تر ده‌بوون.
ده‌سته‌ی سوێندخۆران له‌ به‌ریتانیا هه‌ریه‌ک له‌ عیرفان نه‌سیر ته‌مه‌ن 31 سـاڵ و عیرفان خالد ته‌مه‌ن 27 سـاڵ و عاشق عه‌لی 27 سـاڵ، به‌ تاوانباری سه‌ره‌کی ده‌سـتنیشـانکرد.
هه‌رسێـکیان دانیشـتووی ناوچه‌ی برمنگهام بوون و پـۆلیس ده‌ڵێت به‌ نیازبوون هه‌شت جانتا پـڕ له‌ ته‌قه‌مه‌نی بکه‌ن و پاشـان له‌ ناوچه‌ قه‌ره‌باڵغه‌کانی له‌نده‌ندا بیانته‌قێنـنه‌وه‌.
ئه‌م سێ که‌سه‌ به‌ ناوی ده‌زگایه‌کی خێرخوازی له‌ برمنگهام خه‌ڵـکی دیکه‌یان فریودابوو‌ و وه‌هایان لێـکردبوون به‌ هه‌زاران پاوه‌نیان له‌ خه‌ڵـکی بۆ کۆبکه‌نه‌وه‌.
XS
SM
MD
LG