Accessibility links

وه‌زاره‌تی دادی تورکیا له‌سه‌ر شـانده‌ پـێشـنیارکراوه‌که‌ی به‌ده‌په‌ بۆ سه‌ردانی ئۆجه‌لان قایل ده‌بێت

  • VOA News

کاربه‌ده‌سـتێـک له‌ وه‌زاره‌تی دادی تورکیا گوتی حکومه‌تی وڵاته‌که‌ی ئه‌مڕۆ پـێـنجشه‌ممه‌ قایل بوو سێ سیاسه‌تمه‌داری لایه‌نگری کورد سه‌ردانی عه‌بدوڵڵا ئۆجه‌لان ڕێبه‌ری زیندانیکراوی پارتی کرێـکارانی کوردسـتان له‌ به‌ندیخانه‌ی ئیمرالی بکه‌ن.
کاربه‌ده‌سـته‌که‌ به‌ ئاژانسی ده‌نگ‌وباسی ڕۆیته‌رزی گوت شـانده‌که‌ی بڕیاره‌ ڕۆژی شه‌ممه‌ سه‌ردانی ئۆجه‌لان بکات، بریتی ده‌بێت له‌ سێ په‌رله‌مانتاری سه‌ر به‌ پارتی ئاشـتی و دیموکراسی (به‌ده‌په‌)، ئه‌وانیش په‌روین بوڵدان و ئاڵتان تان و هونه‌رمه‌ندی ده‌رهێنه‌ری سینه‌مایی سڕێ سوره‌یا ئیونده‌ر.
گوڵته‌ن کشاناک هاوسه‌رۆکى به‌ده‌په‌، لێدوانی کاربه‌ده‌سـته‌که‌ی پـشـتڕاستکرد و گوتی وه‌زاره‌تی داد به‌ ته‌له‌فون وه‌ڵامیان داونه‌ته‌وه‌ و گوتوویانه‌ شـانده‌که‌یان ده‌توانێت ڕۆژی شه‌ممه‌ سه‌ردانه‌که‌ ئه‌نجام بدات.
XS
SM
MD
LG