Accessibility links

جۆن کیری وه‌ک وه‌زیری ده‌ره‌وه‌ یه‌که‌م گه‌شتی خۆی بۆ ده‌ره‌وه‌ی ئه‌مه‌ریکا ده‌سـتپـێده‌کات

  • VOA News

جۆن کێری وه‌زیری نوێی ده‌ره‌وه‌ی ئه‌مه‌ریکا به‌ نیازه‌ له‌ یه‌که‌م گه‌شتی خۆیدا وه‌ک وه‌زیر سه‌ردانی ژماره‌یه‌ک له‌ وڵاتانی ڕۆژهه‌ڵاتی ناوه‌ڕاست و ئه‌وروپا بکات.
فکتۆریا نۆلاند گوته‌بێژی وه‌زاره‌تی ده‌ره‌وه‌ ئه‌مڕۆ سێشه‌ممه‌ گوتی به‌ڕێز کێری به‌نیازه‌ له‌م گه‌شته‌یدا که‌ له‌ 24 ی مانگی دووه‌وه‌ ده‌سـتپـێده‌کات تاوه‌کو 6 ی مانگی سێ سه‌ردانی به‌ریتانیا، ئه‌ڵمانیا، فه‌ڕه‌نسـا، ئیتاڵیا، تورکیا، میسر، عه‌ره‌بسـتانی سـعودیـیه‌، میرنشینه‌ یه‌کگرتووه‌کانی عه‌ره‌ب و قه‌ته‌ر.
گوتیشی له‌ پاریس سه‌باره‌ت به‌ مالی وتووێژ ده‌کات و له‌ ڕۆماش به‌شـداری چه‌ند کۆبوونه‌وه‌یه‌کی لایه‌نه‌کانی ئۆپـۆزسیۆنی سوریا ده‌کات. له‌ قاهیره‌ش له‌گه‌ڵ ڕێبه‌رانی سیاسی میسر و هه‌روه‌ها کارداران و که‌سـایه‌تیـیه‌کانی کۆمه‌ڵی مه‌ده‌نی و نه‌بیل ئه‌لعه‌ره‌بی سـکرتێری گشتی کۆمکاری عه‌ره‌ب کۆده‌بێته‌وه‌.
XS
SM
MD
LG