Accessibility links

ئه‌ردۆغان: ئه‌مڕۆ یه‌کشه‌ممه‌ ئه‌ندامانی شـاندی تایبه‌ت بۆ وتووێژ له‌گه‌ڵ ئۆجه‌لاندا ده‌سـتنیشـان‌ده‌کرێن

  • VOA News

ڕه‌جه‌ب ته‌یب ئه‌ردۆغان سه‌رۆک وه‌زیری تورکیا ڕایگه‌یاند که‌وا ئێواره‌ی ئه‌مڕۆ یه‌کشه‌ممه‌ ئه‌ندامانی ئه‌و شـانده‌ ده‌سـتنیشـان ده‌کرێن که‌ بڕیاره‌ له‌ گه‌ڕی دووه‌می وتووێژکردن له‌گه‌ڵ عه‌بدوڵڵا ئۆجه‌لان، ڕێبه‌ری زیندانکراوی پارتی کرێـکارانی کوردسـتان به‌شـداربن.
له‌ میانه‌ی سه‌ردانیدا بۆ پارێزگای ماردین، ئه‌ردۆغان ئه‌مڕۆ به‌ ڕۆژنامه‌وانانی گوت ناوی ئه‌وانه‌ی پـێشنیارکراون‌ له‌ نێو شـانده‌که‌ی بڕیاره‌ بۆ گه‌ڕی دووه‌می وتووێژکردن سه‌ردانی زیندانی ئیمرالی بکه‌ن، ڕه‌وانه‌ی به‌رده‌م وه‌زیری داد کراون‌، وه‌ ئێواره‌ی ئه‌مڕۆ ئه‌ندامانی شـانده‌که‌ ده‌سـتنیشـان‌ده‌کرێن.
دوێنێش ئه‌ردۆغان له‌گه‌ڵ نێونه‌رانی ڕێـکخراوه‌کانی کۆمه‌ڵی سیڤیل کۆبووه‌وه‌ له‌ باره‌ی چۆنێتی کۆتایی‌هێنان به‌ شه‌ڕی چه‌کداری په‌یوه‌ست به‌ مه‌سه‌له‌ی کورد له‌ تورکیادا.
XS
SM
MD
LG