Accessibility links

ڤاتیکان باس له‌ شیانی پێشخستنی پرۆسه‌ی هه‌ڵبژاردنی پاپا ده‌کات


ڤاتیکان شیانی ئه‌وه‌ی هێناوه‌ته‌ ئاراوه‌ دانیشتنی تایبه‌ت بۆ هه‌ڵبژاردنی پاپا ی نوێ له‌وانه‌یه‌ پێش 15 ی 3 بکرێت و ئه‌م زووترکردنه‌ی هه‌ڵبژاردنی پاپا به‌پێی یاساکانی ئێستا ده‌شێت بکرێت که‌ ڕێگه‌ی داوه‌ به‌وه‌ی له‌ پاش 15 یان 20 ڕۆژ له‌ نه‌بوونی پاپا ده‌شێت ڕۆژێک دیاربکرێت بۆ جێگرتنه‌وه‌ی.

فێدریکۆ لۆمباردی، ده‌مڕاستی ڤاتیکان ده‌ڵێت یاساکانی ڤاتیکان بۆ جێگرتنه‌وه‌ی پاپا کراوه‌ن بۆ چۆنیه‌تی لێکدانه‌وه‌.

لۆمباردی ده‌شڵێت گه‌وره‌ کاربه‌ده‌ستان له‌ ڤاتیکان ده‌توانن پڕۆژه‌ ئاماده‌ بکه‌ن و بدرێت به‌ کاردیناڵه‌کان هه‌ر له‌ یه‌که‌م ڕۆژی چۆڵبوونی پۆستی پاپاوه‌ به‌ مه‌به‌ستی ده‌ستپێکردنی دانیشتنی کاردیناڵه‌کان بۆ هه‌ڵبژاردنی پاپا.

ده‌مڕاستی ڤاتیکان ده‌شڵێت ئه‌و 15 بۆ 20 ڕۆژه‌ی دانراوه‌ بۆ ئه‌وه‌یه‌ تا هه‌موو ئه‌و کاردیناڵانه‌ی له‌ ده‌ره‌وه‌ی ڕۆمان بگه‌نه‌ جێ به‌ مه‌به‌ستی به‌شداریکردن له‌ کۆبوونه‌وه‌کانی پشت ده‌رگای داخراوه‌وه.
XS
SM
MD
LG