Accessibility links

به‌بۆنه‌ی سـاڵیادی زیندانیکردنی ئۆجه‌لان له‌ سـلێمانی ڕێـپـێـوان سـازده‌کرێت

  • له‌تیف نـێروه‌یی

به‌بۆنه‌ی 14 هه‌مین سـاڵیادی ده‌سـتگیرکردن و زیندانیـکردنی عه‌بدوڵڵا ئۆجه‌لان، ڕێبه‌ری پارتی کرێـکارانی کوردسـتان، ئه‌مڕۆ هه‌ینی له‌ شـاری سلێمانی و به‌ هاوکاری پارتی چاره‌سه‌ری کوردسـتانی سه‌ر به‌ په‌که‌که‌یه‌، ڕێـپـێوانێـکی جه‌ماوه‌ری له‌ باخی گشـتی سلێـمانی ده‌سـتپـێـکرد به‌ ئاڕاسته‌ی پارکی ئازادی شـاری سلێمانی که‌ به‌ سه‌دان که‌س تیایدا به‌شـداریـیان کرد.
له‌ ڕێپـێوانه‌کدا وێنه‌کانی ئۆجه‌لان به‌رزکرانه‌وه‌ و دوروشمی جوداجودا گوترانه‌وه‌. هه‌روه‌ها به‌شـداربووان داوای ئازادکردنی ڕێبه‌ری په‌که‌که‌یان کرد.
له‌ خۆپـیشـاندانه‌که‌دا محه‌مه‌د عه‌بدوڵڵا سه‌رکرده‌ی پارتی چاره‌سه‌ری کوردسـتان وتارێـکی پـێشـکه‌ش کرد و تیایدا تیشکی خسته‌ سه‌ر ڕۆڵی ئۆجه‌ڵان.
XS
SM
MD
LG