Accessibility links

له‌ پـێـکدادانی خۆپـیشـانده‌ران و هێزه‌کانی پـۆلیس له‌ به‌حره‌ین نه‌وجه‌وانێـک ده‌کوژرێت

  • VOA News

له‌ ئاکامی پـێـکدادانی خۆپـیشـانده‌ران و هێزه‌کانی پـۆلیسی به‌حره‌ین که‌سێـک کوژاروه‌، ئه‌مه‌ش له‌و ده‌مه‌ی ئۆپـۆزسیۆنی شیعه‌ که‌ زۆرینه‌ن له‌ وڵاته‌که‌دا، سـاڵیادی بۆنه‌ی دووه‌می ڕاپه‌ڕینیان له‌ دژی فه‌رمانڕه‌وایانی سوونـنه‌ی وڵاته‌که‌یان ده‌گێڕن.
له‌و باره‌یه‌وه‌ گرووپی سه‌ره‌کی ئۆپـۆزسیۆنی ناسراو به‌ ئه‌لویفاق ده‌ڵێت کوڕێـکی نه‌وجه‌وان له‌ گوندێـکی شیعه‌نشین له‌ نزیک مه‌نامه‌ی پایته‌خته‌وه‌ به‌ گولـله‌ی هێزه‌کانی پـۆلیسی به‌حره‌ین کوژراوه‌.
سه‌باره‌ت به‌ ڕووداوه‌که‌ وه‌زاره‌تی ناوخۆی به‌حره‌ین ڕایگه‌یاند و گوتی ئه‌مڕۆ که‌سێـکی بریندار، دوای ئه‌وه‌ی گه‌یه‌ندرایه‌‌ نه‌خۆشـخانه‌، گیانی له‌ده‌سـتدا.
شایه‌نی گوتنه‌ گرووپی ئۆپـۆزسیۆن له‌ به‌حره‌ین داوای سـازدانی مانگرتنیان بۆ ئه‌مڕۆ پـێنجشه‌ممه‌ کرد بۆ یادکردنه‌وه‌ی سـاڵڕۆژی ڕاپه‌ڕینی شیعه‌کان.
خۆپـیشـاندانی ناڕه‌زایی شیعه‌کان له‌ به‌حره‌ین له‌ سـاڵی 2011 دا به‌رپابوو، ئه‌مه‌ش له‌سه‌روبه‌ندی ئه‌و ڕاپه‌ڕینانه‌ی له‌ ژماره‌یه‌ک وڵاتانی عه‌ره‌بیدا سه‌ریان‌هه‌ڵدا.
خۆپـیشـانده‌ران له‌ به‌حره‌ین داوای چاکسـازی دیموکراتی و کۆتایی‌هێنان به‌ حوکمڕانی پاشایه‌تی سووننه‌کان کرد که‌ وه‌ک ده‌ڵێن فه‌رق و جودایی له‌ دژی شیعه‌کان پـیاده‌ده‌کات.
جێی وه‌بیرهێنانه‌وه‌یه‌ حکومه‌تی به‌حره‌ین له‌ سـاڵی 2011 خوپـیشـاندانه‌کانی شیعه‌ی به‌ هێزی ئاسایشی دامرکانده‌وه‌ و هه‌روه‌ها هێزی له‌شکری وڵاتانی عه‌ره‌بی که‌نداوی هاوسێـی بۆ ئه‌م مه‌به‌سته‌ بانگ کرد.
XS
SM
MD
LG