Accessibility links

ئه‌حمه‌دی‌نه‌ژاد گوشـاره‌کانی ڕۆژئاوا بۆ سه‌ر ئێران ڕه‌تده‌کاته‌وه‌

  • VOA News

مه‌حمود ئه‌حمه‌دی‌نه‌ژاد سه‌رۆکی ئێران ده‌ڵێت وڵاته‌که‌ی له‌ ژێر گوشـاردا هیچ دانوسـتاندنێـک له‌ باره‌ی به‌رنامه‌ ناوکیـیه‌ مشـتومڕ له‌سه‌ره‌که‌یه‌وه‌ ناکات. ده‌شڵێت به‌ڵام ئه‌گه‌ربێت و نه‌یرانی لووله‌ی چه‌که‌کانیان لابده‌ن، ئه‌وا به‌خۆی بۆ وتووێژ ئاماده‌ده‌بێت.
ئه‌مڕۆ یه‌کشه‌ممه‌ له‌ 34 هه‌مین سـاڵیادی دامه‌زراندنی کۆماری ئیسلامی، ئه‌حمه‌دی‌نه‌ژاد له‌ گردبوونه‌وه‌یه‌کی جه‌ماوه‌ریدا له‌ تاران ئه‌مه‌ی ڕاگه‌یاند و گوتی پـێشـنیاری ئه‌مه‌ریکا بۆ وتووێژی دوو قۆڵی له‌ باره‌ی دۆسێی ناوکی وڵاته‌که‌ی، گۆڕانێـکی پێویسته‌ به‌ڵام به‌س نیـیه‌.
جێی ئاماژه‌یه‌ ده‌سه‌ڵاتی پـێدانی مۆڵه‌ت بۆ سـازدانی وتووێژ له‌ باره‌ی به‌رنامه‌ی ناوکی له‌ ده‌سـتی سه‌رۆکی ئێراندا نیـیه‌، به‌ڵـکو له‌ چوارچێوه‌ی ده‌سه‌ڵاته‌کانی عه‌لی خامه‌نه‌ئی ڕابه‌ری باڵای ئێرانه‌ که‌ پـێشـتر هه‌ر له‌م مانگه‌دا پـێشـنیاره‌که‌ی ئه‌مه‌ریکای ڕه‌تکرده‌وه‌ بۆ وتووێژی ڕاسته‌وخۆ، هه‌تا ئه‌و ده‌مه‌ی سـزا و گوشـاره‌کان بۆ سه‌ر وڵاته‌که‌ی به‌رده‌وامبن.
XS
SM
MD
LG