که‌شـتیـیه‌ک له‌ به‌نگلادیش نوقم ده‌بێت و به‌ ده‌یان که‌س بێ‌سه‌روشوێن ده‌بن

ده‌سه‌ڵاتدارانی هه‌رێمی ناوه‌ڕاستی به‌نگلادیش، ده‌ڵێن که‌شـتیـیه‌کی گواستنه‌وه‌ نوقم بووه‌، پاش ئه‌وه‌ی به‌ر به‌ربه‌سـتێـک که‌وتبوو. له‌ ئاکامدا پـتر له‌ 100 که‌س نوقمی ئاوی ده‌ریا بوون.
سه‌یفه‌دین بدال به‌رپـرسی ناوچه‌که‌ به‌ ده‌زگاکانی ڕاگه‌یاندنی گوت هه‌تا ئێسـتا زیاتر له‌ 50 که‌س بێ‌سه‌روشوێنن و ته‌نها 25 که‌س ڕزگارکراون.
گوتیشی که‌شـتی MV Sarash له‌ ده‌کای پایته‌خته‌وه‌ ده‌رچووبوو و بڕیاربوو به‌ره‌و ناوچه‌ی شـاندپوری ڕۆژهه‌ڵاتی باشوری وڵاته‌که‌ بڕوات، به‌ڵام له‌ ئاوی ڕووباری مێگنا له‌ هه‌رێمی موونشیگانج وه‌های به‌سه‌رهات.