Accessibility links

له‌ ئاکامی چه‌ند ته‌قینه‌وه‌یه‌ک له‌ عێراق 31 که‌س ده‌کوژرێن

  • VOA News

ده‌سه‌ڵاتدارانی عێراق ده‌ڵێن ئه‌مڕۆ هه‌ینی له‌ ئاکامی ژماره‌یه‌ک ته‌قینه‌وه‌له‌ به‌غدا و دوو شـارۆچکه‌ی باشور وڵاته‌که‌به‌ لایه‌نی که‌م 26 که‌س کوژران و 69 که‌سیش برینداربوون.
له‌ یه‌کێـک له‌ هێرشه‌کان که‌ بریتی بوو له‌ ته‌قینه‌وه‌ی دوو ئۆتۆمبیلی بۆمبڕێژکراو له‌ بازاڕی گڕین و فرۆشـتنی په‌له‌وه‌ر له‌ گه‌ڕه‌کی کازمیـیه‌ی زۆرینه‌ شیعه‌، به‌ لایه‌نی که‌م 16 که‌س کوژران و 44 که‌سیش برینداربوون.
له‌ باشوری وڵاته‌که‌ و له‌ شـارۆچکه‌ی شۆمه‌لی پارێزگای بابل دوو ئۆتۆمبیلی بۆمبڕێژکراو ته‌قینه‌وه‌ و له‌ ئاکامدا 13 که‌س کوژران و 18 که‌سی دیکه‌ برینداربوون.



هه‌ر له‌ باشوری عێراق، له‌ شـارۆچکه‌ی هیندیـیه‌ی پارێزگای که‌ربه‌لا، له‌وێش ئۆتۆمبیلێـکی بۆمبڕێکراو ته‌قیوه‌ته‌وه‌ و بووه‌ته‌ مایه‌ی کوژرانی 2 که‌س و برینداربوونی 5 که‌سی دیکه‌.
له‌ باکوری عێراقیش، له‌ گه‌ڕه‌کی حه‌دبای شـاری موسڵ هێرشێـکی چه‌کداری کراوه‌ته‌ سه‌ر ئۆفیسی ده‌وڵه‌تی یاسای سه‌ر به‌ سه‌رۆک وه‌زیر نوری ئه‌لمالیکی و له‌ ئاکامدا 2 پاسه‌وانی ئۆفیسه‌که‌ برینداربوون.
XS
SM
MD
LG