Accessibility links

عه‌مبارێـکی چه‌ک و ته‌قه‌مه‌نی له‌ یه‌مه‌ن ده‌ته‌قێته‌وه‌ و 10 که‌س ده‌کوژرێن

  • VOA News

کاربه‌ده‌سـتانی له‌شـکری یه‌مه‌ن ده‌ڵێن ئه‌مڕۆ پـێـنجشه‌ممه‌ ته‌قینه‌وه‌یه‌ک له‌ عه‌مبارێـکی چه‌ک و ته‌قه‌مه‌نی له‌ باکوری وڵاته‌که‌دا ڕوویداوه‌ و له‌ ئاکامدا 10 که‌س کوژراون.
کاربه‌ده‌سـتێـک گوتی ڕووداوه‌که‌ له‌ شـاری عه‌بس بووه‌ که‌ نزیکه‌ 170 کیلۆمه‌تر له‌ باکوری سه‌نعای پایته‌خته‌وه‌ دوره‌.
له‌ نێو کوژراوه‌کاندا 5 که‌سی سیڤیل هه‌ن که‌ دووانیان منداڵن و 5 کوژراوه‌که‌ی تر سه‌ربازبوون. هه‌روه‌ها ژماره‌یه‌ک گولله‌ تۆپ یان موشه‌ک به‌ر گوندێـکی نزیک عه‌مباره‌که‌ که‌وتوون و زیانیان به‌ 3 خانووبه‌ره‌ گه‌یاندووه‌‌. هه‌روه‌ها به‌ لایه‌نی که‌م 7 که‌سیش برینداربوون.
هه‌تا ئاماده‌کردنی ئه‌م هه‌واڵه‌ هۆکاری ڕووداوه‌که‌ نه‌زانراوه‌.
XS
SM
MD
LG