Accessibility links

میسر: نزیکبوونه‌وه‌ له‌ ئێران په‌یوه‌سته‌ به‌ هه‌ڵوێسـتی ئه‌و وڵاته‌ له‌ به‌رامبه‌ر قه‌یرانی سوریا

  • VOA News

یاسر عه‌لی گوته‌بێژی سه‌رۆکایه‌تی میسر ئه‌مڕۆ له‌ کۆنگره‌یه‌کی ڕۆژنامه‌وانیدا له‌ باره‌گای سه‌رۆکایه‌تی له‌ قاهیره‌ گوتی نزیکبوونه‌وه‌ی میسر له‌ ئێران په‌یوه‌سته‌ به‌ هه‌ڵوێسـتی تاران له‌ به‌رامبه‌ر قه‌یرانی سوریا و هه‌روه‌ها به‌ ڕای گشـتی میسری و عه‌ره‌بی له‌ به‌رامبه‌ری.
گوته‌بێژه‌که‌ گوتیشی قه‌یرانی سوریا لای هه‌موو میسریـیه‌ک و عه‌ره‌بێـک و موسڵمانێـکه‌وه‌ گرنگه‌، وه‌ ئێرانیش ده‌توانێت بـبێته‌ به‌شێـک له‌ چاره‌سه‌ر بۆ ئه‌م قه‌یرانه‌ی سوریا.
هه‌ر له‌ باره‌ی په‌یوه‌ندیـیه‌کانی میسر و ئێرانه‌وه‌، دوێنێ محه‌مه‌د کامل عه‌مرۆ وه‌زیری ده‌ره‌وه‌ی میسر به‌ ڕۆژنامه‌وانانی گوت په‌یوه‌ندی میسر له‌گه‌ڵ هه‌ر وڵاتێـکدا هه‌رگیز له‌سه‌ر به‌رژه‌وه‌ندی ئاسایشی وڵاتانی دیکه‌ نابێت. گوتیشی ئاسایشی وڵاتانی که‌نداو به‌ تایبه‌تی هێڵی سووره‌ بۆ میسر و هه‌رگیز‌ وڵاته‌که‌ی ڕێگه‌ نادات زیانی پـێـبگات. گوتی " ئاسایشی وڵاتانی که‌نداو، ئاسایشی میسره‌."
XS
SM
MD
LG