Accessibility links

له‌ ئاکامی ته‌قینه‌وه‌یه‌کی خۆکوژی و دوو بۆمبی لاڕێ له‌ عێراق 22 که‌س ده‌کوژرێن و 52 بریندارده‌بن

  • VOA News

کاربه‌ده‌سـتانی عێراق ده‌ڵێن ئه‌مڕۆ دووشه‌ممه‌ له‌ باکوری به‌غدا که‌سێـکی خۆکوژ خۆی به‌ کۆمه‌ڵێـک چه‌کداری سه‌حوه‌دا ته‌قاندووه‌ته‌وه‌ و له‌ ئاکامدا به‌ لایه‌نی که‌م 21 که‌س کوژراون و 44 که‌سی دیکه‌ برینداربوون.
خۆکوژه‌که‌ خوێ کردووه‌ به‌ نێو چه‌کداره‌کاندا له‌و ده‌مه‌ی له‌ به‌رده‌م‌ یه‌کێـک له‌ باره‌گاکانیان له‌ شـارۆچکه‌ی تاجی باکوری به‌غدای پایته‌خت گردبووبوونه‌وه‌ بۆ وه‌رگرتنی موچه‌کانیان.
ده‌شڵێن کوژراوه‌کان بریتین له‌ 3 سه‌رباز و 18 چه‌کداری سه‌حوه‌.
له‌ به‌غدا پایته‌خت و له‌ گه‌ڕه‌کی جیهاد بۆمبێـکی لاڕێ به‌ هێزێـکی گه‌ڕۆکی پـۆلیسـدا ته‌قیوه‌ته‌وه‌ و له‌ ئاکامدا ئه‌فسه‌رێـک کوژراوه‌ و 3 پـۆلیسیش برینداربوون.
له‌ ڕۆژئاوای به‌غدا و له‌سه‌ر ڕێـگه‌ی نێوان به‌غدا و ئه‌بو غرێب بۆمبێـکی لاڕێ به‌ سێ ئۆتۆمبیلی سیڤیلدا ته‌قیوه‌ته‌وه‌ و بووه‌ته‌ مایه‌ی برینداربوونی 5 که‌سی سیڤیل.
XS
SM
MD
LG