Accessibility links

ئێران فرۆکه‌یه‌کی جه‌نگی دروست ده‌کات

  • VOA News

ئێران فڕۆکه‌یه‌کی جه‌نگی ئاشکرا کردووه‌ که‌ خۆی دروستی کردووه‌.
سه‌رۆک مه‌حمود ئه‌حمه‌دی نژاد له‌ ڕۆژی شه‌ممه‌ ڕایگه‌یاند فڕۆکه‌ی جۆری قاهر 313 په‌یامی برایه‌تی، ئاشتی و ئاسایش ده‌گه‌ێنێت. ڕایگه‌یاند ئه‌م فڕۆکه‌یه‌ نابێته‌ هه‌ڕه‌شه‌ بۆ هیچ که‌سێک.
ڕێوڕه‌سمی ئاشکرا کردنی ئه‌م فڕۆکه‌یه‌ له‌ ته‌له‌فیزیۆنی ده‌وڵه‌تی ئێرانه‌وه‌ په‌خش کرا.
کۆماری ئیسلامی ئێران ڕووبه‌ڕووی ئابلوقه‌ی چه‌کی نێونه‌ته‌وه‌یی بۆته‌وه‌ که‌ ڕێگای کڕینی فڕۆکه‌ی جه‌نگی نوێ و که‌ره‌سته‌ی فرۆکه‌کانی هێزی شه‌ڕکه‌ری لێ ده‌گیرێت.
ئێران یادی 34 ساڵه‌ی شۆڕشه‌که‌ی ساڵی 1979 ده‌کات که‌ تیایدا شا که‌ ئه‌مه‌ریکا پشتیوانی ده‌کرد گۆڕا بۆ ڕژێمێکی ئیسلامی.
XS
SM
MD
LG