Accessibility links

گومانبارێـکی خۆکوژ خۆی له‌ به‌رده‌م باڵیۆزخانه‌ی ئه‌مه‌ریکا له‌ ئانکه‌ره‌ ده‌ته‌قێنێته‌وه‌ و که‌سێـک ده‌کوژێت

  • VOA News

کاربه‌ده‌سـتان ده‌ڵێن گومانبارێـکی خۆکوژ خۆی له‌ به‌رده‌م ده‌روازه‌یه‌کی باڵیۆزخانه‌ی ئه‌مه‌ریکا له‌ ئانکه‌ره‌ ته‌قاندووه‌ته‌وه‌ و له‌ ئاکامدا که‌سێـک و خۆکوژه‌که‌ کوژراون.
فڕانسیس ڕیکاردیۆنێ باڵیۆزی ئه‌مه‌ریکا له‌ تورکیا به‌ په‌یامنێرانی گوت له‌ کاژمێر 1:15 ی پاش نیوه‌ڕۆ ته‌قینه‌وه‌که‌ لای ده‌روازه‌ی دووه‌می باڵیۆزخانه‌که‌ بووه‌ و پاسه‌وانێـک کوژراوه‌ و هاوڵاتیـیه‌کی تورک برینداربووه‌.
وا پـێده‌چێت ته‌قینه‌وه‌که‌ له‌ به‌رده‌م ده‌روازه‌ی پـرسگه‌ی ده‌ره‌وه‌ی باڵیۆزخانه‌که‌ بووبێت، بۆیه‌ هیچ زیانێـک به‌ بینای سه‌ره‌کی باڵیۆزخانه‌که‌ نه‌که‌وتووه‌. پارچه‌ کۆنکرێت و به‌ردی سه‌ر ده‌روازه‌که‌ بۆ سه‌ر شۆسته‌ و شه‌قامی به‌رده‌م باڵیۆزخانه‌که‌ په‌ڕیون.
هه‌روه‌ها ژنێـکی ڕۆژنامه‌وانی ڕۆژنامه‌ی حوریه‌ت که‌ به‌ مه‌به‌ستی وه‌رگرتنی ڤیزا بۆ ئه‌مه‌ریکا سه‌ردانی باڵیۆزخانه‌که‌ی ده‌کرد له‌ ته‌قینه‌وه‌که‌دا برینداربووه‌.
کاربه‌ده‌سـتێـکی پـۆلیس به‌ ئاژانسی ده‌نگ‌وباسی ئه‌سۆشیه‌تد پـرێسی گوتووه‌ کامێراکانی ناوچه‌که‌ وێنه‌ی دوو که‌سیان گرتووه‌ که‌ ڕه‌نگه‌ یه‌کێـکیان خۆکوژه‌که‌ بـووبێت.
XS
SM
MD
LG