Accessibility links

تاریق متری ده‌ڵێت ڕه‌نگه‌ یاخیبووه‌کانی مالی بۆ لیبیا هه‌ڵبێن

  • VOA News

نوێنه‌ری نه‌ته‌وه‌ یه‌کگرتووه‌کان له‌ لیبیا هوشیاری داوه‌ته‌ ئه‌نجومه‌نی ئاسایش که‌وا هێرشی له‌شـکری فه‌ڕه‌نسـا بۆ سه‌ر باکوری مالی ڕه‌نگه‌ بـبێته‌ مایه‌ی هه‌ڵاتنی یاخیبووه‌ ئیسلامیـیه‌کان بۆ جه‌زائیر و پاشـان بگه‌نه‌ لیبیا.
تاریق متری ڕۆژی سێشه‌ممه‌ له‌ نیویۆرک ئه‌مه‌ی له‌ کۆنگره‌یه‌کی ڕۆژنامه‌وانیدا ڕاگه‌یاند و گوتی لیبیا کۆنترۆڵی به‌سه‌ر سـنووره‌کانی لاوازه‌ و هه‌روه‌ها په‌یوه‌ندی نه‌ژادی و ئایدیۆلۆژی له‌ نێوان کۆمه‌ڵه‌ توندڕه‌وه‌کانی لیبیا و مالیدا هه‌یه‌، بۆیه‌ شیانی هه‌یه‌ ئه‌مه‌ ڕووبدات.
ئاماژه‌ی به‌وه‌ش کرد که‌ ڕووخاندنی ڕژێمی موعه‌مه‌ر قه‌زافی هۆکاری به‌شێـکی ئه‌وه‌ بووه‌ ئیسلامیـیه‌ توندڕه‌وه‌کان ده‌ستبگرن به‌سه‌ر باکوری مالیدا، ئه‌مه‌ش به‌هۆی ئه‌و هه‌موو چه‌که‌ قورسه‌ی له‌ لیبیاوه‌ به‌ تاڵانی بۆ مالی براون.
XS
SM
MD
LG