Accessibility links

سه‌رۆک ئۆباما: ڕووبه‌ڕووی هه‌ر دیکتاتۆرێـک ده‌بینه‌وه‌ تاوانی دژی مرۆڤایه‌تی ئه‌نجام بدات

  • VOA News

له‌ سـاڵیادی هۆلۆکۆست، کۆمه‌ڵکوژیـیه‌که‌ی جووه‌کان له‌ میانه‌ی شه‌ڕی جیهانی دووه‌مدا، سه‌رۆکی وڵاته‌ یه‌کگرتووه‌کانی ئه‌مه‌ریکا براک ئۆباما به‌ڵێنی دا ڕووبه‌ڕووی هه‌ر دیکتاتۆرێـک بـبنه‌وه‌ که‌ تاوانی دژی مرۆڤایه‌تی ئه‌نجام بدات.
سه‌رۆک ئۆباما ئه‌مڕۆ یه‌کشه‌ممه‌ به‌یانـنامه‌یه‌کی ده‌رکرد له‌ سـاڵیادی کوژرانی 6 ملیۆن جووله‌که‌ و هه‌روه‌ها کوژرانی ملیۆنه‌ها که‌سی دیکه‌ی بێ تاوان به‌ر له‌ 60 سـاڵ له‌مه‌وبه‌ر.
سه‌رۆک ئۆباما له‌ به‌یانـنامه‌که‌یدا گوتی ئه‌وانه‌ی به‌ چاوی خۆیان the cattle cars ی ترسناک و Ghettos و که‌مپه‌کانی ده‌سـتگیرکردنیان دی، مرۆڤایه‌تیـیان له‌ قێزه‌وه‌نترین شێوه‌دا بینیوه‌.
سه‌رۆک ئۆباما گوتی وڵاته‌ یه‌کگرتووه‌کانی ئه‌مه‌ریکا له‌گه‌ڵ کۆمه‌ڵی نێوده‌وڵه‌تی ڕووبه‌ڕووی هه‌ر زۆردارێـک و دیکتاتۆرێـک ده‌بنه‌وه‌ که‌ تاوانی دژی مرۆڤایه‌تی ئه‌نجام بدات. گوتیشی ئه‌مه‌ریکا وابه‌سته‌ی ئه‌و بڕوایه‌ی ده‌بێت که‌ " هه‌رگیز ئه‌وه‌ دووباره‌ نابێته‌وه‌."
جێی ئاماژه‌یه‌ cattle cars ئه‌و شه‌مه‌نده‌فه‌رانه‌یه‌ که‌ بۆ گواستنه‌وه‌ی ئاژه‌ڵ به‌کارده‌هێنرێن و نازیـیه‌کان له‌ جه‌نگی جیهانی دووه‌مدا جووه‌کانیان به‌ شێوه‌یه‌کی دڕندانه‌ پـێده‌گه‌واسته‌وه‌. Ghetto ئه‌و ناوچه‌یه‌یه‌ که‌ خه‌ڵـکی یه‌ک نه‌ژاد یان یه‌ک ئاینی لێ نیشته‌جێ ده‌کرێن و له‌ خه‌ڵـکی دیکه‌یان جیاده‌که‌نه‌وه‌ چ به‌ زۆر یان به‌ خواستی خۆیان.
XS
SM
MD
LG