Accessibility links

له‌ توندوتیژیـیه‌کانی یه‌کشه‌ممه‌ی میسر به‌ لایه‌نی که‌م 3 که‌س ده‌کوژرێن و 400 بریندارده‌بن

  • VOA News

کارمه‌ندانی ته‌ندروسـتی میسر ده‌ڵێن به‌ لایه‌نی که‌م 3 که‌س کوژراون و 400 که‌سی دیکه‌ برینداربوون، له‌ میانه‌ی توندوتیژیـیه‌کانی ئه‌مڕۆ یه‌کشه‌ممه‌ له‌ شـاری پـۆرسه‌عیدی باکوری وڵاته‌که‌ ڕوویاندا.
سه‌رچاویه‌کی ته‌ندروسـتی ده‌ڵێت له‌ نێو برینداره‌کاندا 17 که‌س هه‌ن به‌ گولـله‌ی تاپـڕ پـێـکراون.
هاوکات خۆپـیشـانده‌ران په‌لاماری هه‌ردوو بینای یانه‌ی له‌شـکر و پـۆلیسی شـاره‌که‌یان داوه‌ و تاڵانیان کردوون.
له‌ ڕێوڕه‌سمی به‌ خاکسـپاردنه‌کاندا به‌ هه‌زاران که‌س به‌شـداریان کرد و دروشـمی دژی سه‌رۆک محه‌مه‌د مورسی و حکومه‌ته‌که‌یان گوته‌وه‌.
توندوتیژیـیه‌کان له‌ ده‌می به‌خاکسـپاردنی ته‌رمی ئه‌و قوربانیـیانه‌ ده‌ستیـپـێکرد که‌ له‌ میانه‌ی خۆپـیشـاندان و ناڕه‌زایـیه‌کانی دوێنێ شه‌ممه‌دا له‌ شه‌ڕی نێوان خۆپـیشـانده‌ران و هێزه‌کانی پـۆلیسدا کوژران.
ناڕه‌زایـیه‌که‌ له‌وه‌وه‌ سه‌رچاوه‌ی گرتووه‌ که‌ دادگا حوکمی له‌سێداره‌دانی بۆ 21 که‌س ده‌رکردووه‌ له‌سه‌ر کوشتنی ئه‌و 72 که‌سه‌ی له‌ میانه‌ی یاریـیه‌کی تۆپـی پـێی‌ نێوان هه‌ردوو یانه‌ی ئه‌هلی و میسری له‌ شـاره‌که‌دا له‌ سـاڵی ڕابردوودا کوژران.
XS
SM
MD
LG