Accessibility links

مادیح ئه‌حمه‌دی : له‌ ناو ئێراندا جیاوازی و ناکۆکیش له‌سه‌ر سیاسه‌تی ده‌روه‌یی هه‌یه‌

  • Balen Salih

مادیح ئه‌حمه‌دی

مادیح ئه‌حمه‌دی

له‌گه‌ڵ ئه‌وه‌شدا پێشتر کۆماری ئیسلامی ئێران نکوڵی ده‌کرد له‌وه‌ی ڕۆڵێکی ئه‌وتۆی هه‌بێت له‌ ڕه‌وشی سوریادا، به‌ڵام له‌م ماوه‌یه‌ی ڕابردوودا ڕاگه‌یاندنه‌کانی تاران له‌سه‌ر ڕه‌وشی سوریا پێچه‌وانه‌ بۆته‌وه‌.

له‌ دواترین ڕاگه‌یاندنیدا عه‌لی ئه‌کبه‌ر ویلایه‌تی که‌ یه‌کێکه‌ له‌ یاریده‌ده‌ره‌ نزیکه‌کانی ئایه‌توڵا عه‌لی خامه‌نه‌ئی ڕابه‌ری کۆماری ئیسلامی ئێران گوتوویه‌تی هه‌ر هێرشێک بکرێته‌ سه‌ر سوریا به‌هێرشکردنه‌ سه‌ر کۆماری ئیسلامی ئێران و هاوپه‌یمانانی ئێران داده‌نرێت.
ئه‌مه‌ش توندترین ڕاگه‌یاندنه‌ له‌ لایه‌ن گه‌وره‌ کاربه‌ده‌ستێکی ئێرانیه‌وه‌ سه‌باره‌ت به‌ به‌کارهێنانی هه‌موو هۆکارێک بۆ هێشتنه‌وه‌ی ڕژێمه‌که‌ی به‌شار ئه‌لئه‌سه‌د له‌ ده‌سه‌ڵاتدا.
ڕۆژنامه‌وان و چالاکوانی سیاسی مادیح ئه‌حمه‌دی ده‌ڵێت له‌ ئێراندا سیاسه‌تی ده‌ره‌وه‌یی ئایه‌توڵا خامه‌نه‌ئی به‌ پله‌ی یه‌که‌م دێت و ئه‌وه‌ش که‌ ئێستا له‌سه‌ر سوریا ده‌گوترێت له‌لایه‌ن عه‌لی ئه‌کبه‌ر ویلایه‌تیه‌وه‌ دووباره‌کردنه‌وه‌ی هه‌مان ئه‌و ڕاگه‌یاندنه‌ی ڕابه‌ری کۆماری ئیسلامی ئێرانه‌ که‌ پێشتر گوتوویه‌تی سوریا هێڵی یه‌که‌م و سه‌ره‌کی به‌ره‌ی به‌رگریکردنه‌.
له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، به‌ڕێز ئه‌حمه‌دی ده‌ڵێت به‌رژه‌وه‌ندی ئێران و چین و ڕوسیاش له‌ پشتیوانیکردنی ڕژێمه‌که‌ی به‌شار ئه‌لئه‌سه‌د له‌وه‌دایه‌ که‌ ناخوازن دیارده‌ی یه‌ک جه‌مسه‌ری له‌ ڕۆژهه‌ڵاتی ناوه‌ڕاستدا بێته‌ ئاراوه‌.

زانیاری زیاتر له‌ ده‌قی وتووێژه‌که‌دایه‌:
XS
SM
MD
LG