Accessibility links

جۆن کێری ده‌ڵێت پـێویسته‌ ئه‌مه‌ریکا باری ناوخۆیی خۆی ڕێـکبخات

  • VOA News

سه‌رۆکی کۆمیته‌ی په‌یوه‌ندیـیه‌کانی ده‌ره‌وه‌ی سیناتی کۆنگرسی وڵاته‌ یه‌کگرتووه‌کانی ئه‌مه‌ریکا جۆن کێری که‌ چاوه‌ڕوانی په‌سه‌ندکردنی کۆمیته‌که‌یه‌تی‌ بۆ وه‌رگرتنی پـۆستی وه‌زیری ده‌ره‌وه‌، ده‌ڵێت پـێویسته‌ وڵاته‌که‌ باری ناوخۆیی خۆی ڕێـکبخات تاوه‌کو وه‌ک پـێشـه‌وایه‌کی نێوده‌ڵه‌تی بمێنێته‌وه‌.
پـێشـتر به‌ڕێز کێری که‌ سه‌ر به‌ دیموکراته‌کانه‌، بۆ ماوه‌ی چوار کاژمێر وه‌ڵامی چه‌ندین پـرسیاری هاوکارانی له‌ کۆمیته‌که‌ی دایه‌وه‌ سه‌باره‌ت به‌ ئابوری ئه‌مه‌ریکا و مه‌سه‌له‌کانی ئێران و تێرۆرزم و ئه‌فغانسـتان و سوریا و په‌یوه‌ندیـیه‌کانی ئه‌مه‌ریکا له‌گه‌ڵ وڵاتانی خوارووی ئه‌مه‌ریکادا.
شایه‌نی باسه‌ به‌ درێژایی 28 سـاڵ له‌ کارکردنی له‌ ئه‌نجومه‌نی سیناتدا، به‌ڕێز کێری له‌ کۆمیته‌ی په‌یوه‌ندیـیه‌کانی ده‌ره‌وه‌ی سینات ئه‌رکی بینیوه‌ و له‌م چوار سـاڵه‌ی ڕابردوودا سه‌رۆکایه‌تی ئه‌و کۆمیته‌یه‌ی کردووه‌.
له‌ سه‌ره‌تای دانیشتنه‌که‌دا وه‌زیری ده‌ره‌وه‌ی ئێسـتای له‌سه‌ر کار ڕۆشتووی ئه‌مه‌ریکا هێله‌ری کلنتن، ناوبراوی پـێشـکه‌شکرد و بۆه‌ ئه‌ندامانی کۆمیته‌که‌ی گوت به‌ڕێز کێری تۆمارگه‌یه‌ک له‌ ڕابه‌رایه‌تی و خزمه‌تگوزاری له‌گه‌ڵ خۆیدا ده‌هێنێت.
ئه‌گه‌ر بێت و جۆن کێری بـبێت به‌ وه‌زیری ده‌ره‌وه‌، ئه‌وا ده‌بێته‌ یه‌ک پـیاوی پـێست سـپی بـبێته‌ وه‌زیری ده‌ره‌وه‌ی وڵاته‌که‌ له‌ پاش 16 سـاڵ.
XS
SM
MD
LG