Accessibility links

له‌شکری عێراق 5 خۆپـیشـانده‌ر له‌ فه‌لـلوجه‌ ده‌کوژێت


له‌شکری عێراق ئه‌مڕۆ هه‌ینی 5 خۆپـیشـانده‌ری له‌ شـارۆچکه‌ی فه‌لـلوجه‌ی ڕۆژئاوای به‌غدا کوشت‌، ئه‌مه‌ش له‌و ده‌مه‌ی خۆپـیشـانده‌ران که‌وتنه‌ به‌ردبارانی هێزه‌کانی حکومه‌ت، ئه‌وانه‌ی ڕێگه‌یان لێگرتبوون به‌ره‌و گۆڕپانی خۆپـیشـاندانه‌کان بڕۆن.
کاربه‌ده‌سـتانی پـۆلیس ده‌ڵێن پاش ئه‌وه‌ی خاڵێـکی پـشـکنینی له‌شـکری ڕێگه‌ی به‌غدا- فه‌لـلوجه‌ی گرت، خۆپـیشـانده‌ران که‌وتنه‌ جنێودان و به‌ردبارانی سه‌ربازه‌کان، له‌ به‌رامبه‌ردا سه‌ربازه‌کانیش ته‌قه‌یان لێـکردوون و ئه‌و کوژراوانه‌ی لێـکه‌وتووه‌ته‌وه‌ له‌گه‌ڵ 42 خۆپـیشـانده‌ریش برینداربوون. هه‌روه‌ها ماشێنێـکی له‌شـکری سووتێنرا.
هه‌ر له‌ فه‌لـلوجه‌ پـۆلیس ڕایگه‌یاند که‌وا کۆمه‌ڵێـک چه‌کدار هێرشیان کردووه‌ته‌ سه‌ر خاڵێـکی پـشـکنینی له‌شـکر و له‌ ئاکامدا 2 سه‌رباز کوژراون. پاشـان کاربه‌ده‌سـتانی ناوچه‌که‌ بڕیاری قه‌ده‌غه‌ی هاتووچۆیان ڕاگه‌یاند.
XS
SM
MD
LG