Accessibility links

هه‌رێمی کوردسـتان پشـکێـک له‌ کێڵگه‌ی نه‌وتی قه‌ره‌داغ به‌ کۆمپانیای نه‌وتی شێڤرۆن ده‌دات

  • VOA News

وه‌زیری سـامانه‌ سـروشـتیـیه‌کانی هه‌رێمی کوردسـتان ده‌ڵێت هه‌رێم پـشـکی له‌ کێڵگه‌ی نه‌وتی قه‌ره‌داغی داوه‌ به‌ کۆمپانیای نه‌وتی شێڤرۆنChevron ، ئه‌مه‌ش به‌ مه‌به‌سـتی زیاتر هاندانی ئه‌م کۆمپانیا بۆ پـشـکنین به‌ دوای نه‌وتدا له‌ ناوچه‌که‌دا.
ئاشـتی هه‌ورامی ئه‌مڕۆ پـێـنجشه‌ممه‌ بۆ‌ ئاژانسی ده‌نگ‌وباسی ڕۆیته‌رزی ڕاگه‌یاند‌ که‌وا به‌ کۆمپانیای نه‌وتی شێڤرۆنیان گوتووه‌ پـشـکیان له‌ کێڵگه‌ی نه‌وتی قه‌ره‌داغ پـێ به‌خشیون، ئه‌وه‌ی پـرۆژه‌یه‌کی گرنگ و گه‌وره‌یه‌. هه‌روه‌ها ئه‌وان له‌سه‌ر هه‌موو مه‌رجه‌کان ڕازیبوون.
هه‌ورامی گوتوشیه‌تی جه‌ی پـریۆر جێـگری سه‌رۆکی شێڤرۆن بۆ کاروباری په‌ره‌پـێدانی کاره‌کان له‌ میانه‌ی کۆبوونه‌وه‌ی له‌گه‌ڵ مه‌سعود بارزانی سه‌رۆکی هه‌رێمی کوردسـتان له‌ داڤۆسی سویسرا، وابه‌سـته‌یی ته‌واوی کۆمپانیاکه‌ی ده‌ربڕیوه‌ به‌ هه‌موو ئه‌و پـرۆژانه‌ی له‌ هه‌رێمی کوردسـتاندا هه‌یه‌تی.
جێی ئاماژه‌یه‌ شێڤرۆن به‌ پـێچه‌وانه‌ی کۆمپانیای نه‌وتی ئێکسۆن مۆبیل پـشـکی له‌ هیچ پـرۆژه‌یه‌کی نه‌وتی باشوری عێراقدا نیـیه‌.
XS
SM
MD
LG