Accessibility links

له‌ ڕووداوێـکی شه‌مه‌نده‌فه‌ردا له‌ میسر 19 که‌س گیانیان له‌ده‌سـت ده‌ده‌ن و 107 بریندارده‌بن

  • VOA News

له‌ ئاکامی ڕووداوێـکی شه‌مه‌نده‌فه‌ر ئه‌مڕۆ سێشه‌ممه‌ له‌ میسر 19 که‌س گیانیان له‌ده‌سـتدا و 107 که‌سیش برینداربوون که‌ هه‌موویان تازه‌ سه‌رباز بوون.
ئه‌حمه‌د عومه‌ر گوته‌بێژی وه‌زاره‌تی ته‌ندروسـتی ڕایگه‌یاند که‌وا زۆربه‌ی قوربانیـیه‌کان به‌ 66 ئه‌مبوڵانس بۆ نه‌خۆشـخانه‌کانی هه‌ردوو پارێزگای جیزه‌ و قاهیره‌ ڕه‌وانه‌کران.
سه‌رچاوه‌کانی پـۆلیس ده‌ڵێن شه‌مه‌نده‌فه‌ره‌که‌ زیاتر له‌ هه‌زار سه‌ربازی نوێی هه‌ڵگرتبوو که‌ بڕیاربوو له‌ شـاری ئه‌سیوتی باشوری وڵات به‌ره‌و قاهیره‌ی پایته‌ختیان به‌رێت، به‌ڵام له‌ ڕێـگه‌دا له‌ نزیک شـارۆچکه‌ی به‌درشین، دوایـین فارگۆنی وه‌رگه‌ڕاوه‌ و فارگۆنه‌که‌ی پـێشی له‌گه‌ڵ خۆیدا ڕاکێشاوه‌ و ئه‌ویش وه‌رگه‌ڕاوه‌.
ده‌شڵێن شه‌مه‌نده‌فه‌ره‌که‌ بۆ چه‌ند کیلۆمه‌ترێک هه‌ردوو فارگۆنه‌که‌ی ڕاکێشـاوه‌ هه‌تا به‌ر شه‌مه‌نده‌فه‌رێـکی بارهه‌ڵـگر که‌وتووه‌ که‌ له‌سه‌ر هێڵـکی دیکه‌ی ته‌نیشتی بووبوو.
XS
SM
MD
LG